ताजा अपडेट
प्रधानमन्त्रीले विश्वासको मत लिँदा अनिवार्य उपस्थित हुन माओवादीद्वारा ह्वीप जारी
सत्तारुढ दल नेकपा माओवादी केन्द्रले प्रधानमन्त्रीले संसद्बाट विश्वासको मत लिँदा अनिवार्य उपस्थित हुन ह्वीप जारी गरेको छ ।
सिंहदरबारस्थित संसदीय दलको कार्यालयमा बसेको संसदीय दलको ९ औं बैठकले ह्वीप जारी गरेको संसदीय दलका प्रमुख सचेतक हितराज पाण्डेले जानकारी दिए । त्यस्तै, राष्ट्रिय सभा अध्यक्षको निर्वाचनमा पनि अनिवार्य उपस्थित हुन निर्देशन जारी भएको छ।
फागुन ३० गते प्रतिनिधि सभाकाे बैठकमा प्रधानमन्त्री पुष्पकमल दाहाल प्रचण्डले विश्वासको मत लिने तयारी गरेका छन् ।
कांग्रेससँगको सत्ता सहकार्य तोडेर एमाले र रास्वपालाई सरकारमा भित्र्याएपछि प्रधानमन्त्री प्रचण्डले चैत २३ गतेभित्र विश्वासको मत लिनुपर्ने संवैधानिक व्यवस्था छ ।
प्रतिक्रिया