Hamro Bulletin

नेपाल विद्यार्थी संघ अछामले आरोप लागेका सत्ता सहयात्रिलाई कारबाहिको माग गर्दै प्रमुख जिल्ला अधिकारी मार्फत प्रधानमन्त्री लाई ज्ञापन पत्र बुझाएको छ । नेपाल विद्यार्थी संघ अछामका अध्यक्ष खेमराज खड्का लगायतले अछाम जिल्लाका प्रमुख जिल्ला अधिकारी शिव प्रसाद लम्साल समक्ष ज्ञापन पत्र बुझएका हुन । 

नेपाल विद्यार्थी संघ अछामका अध्यक्ष खेमराज खड्का द्धारा हस्ताक्षरीत ज्ञापन पत्रमा पछिल्लो समय नेपाल सरकारको मन्त्री परीषदका सदस्य प्रति लागेका आरोपका प्रमाण विभिन्न ठाउँमा संचार माध्यम र सामानिक संजाल र न्यायपालिका सम्बन्धित अड्डाहरुमा पेश गरीसक्दा पनि छानबिनको दायरामा सम्म ल्याउन सरकार असमर्थ रहेको उल्लेख गरीएको छ ।

त्यस्तै ज्ञापन पत्रमा जनताको मतको कदर गर्दै जनता द्धारा निर्मित लोकतान्त्रिक संविधानको मर्मलाई बुझ्दै वर्तमान सरकारले विभिन्न आरोपमा पक्राउ परि मुद्दा चलाउनुपर्ने सत्तासहयात्रिलाई सोहि बमोजिम कारबाही गरीनुपर्ने माग गरीएको छ ।

ज्ञापन पत्र बुझाउने कार्यक्रममा नेपाली कांग्रेसका महासमिती सदस्य पदम अधिकारी, नेपाली कांग्रेस अछाम क्षेत्र नं.२ का सभापति पुष्पराज शर्मा, नेपाली कांग्रेस अछामका जिल्ला कार्य समिती सदस्य राम बहादुर कुँवर, नेपाल विद्यार्थी संघका केन्द्रिय सदस्य बम स्वाँर, नेपाल विद्यार्थी संघका केन्द्रिय सदस्य पदम सुवेदि, तरुण दल अछामका अध्यक्ष रमेश बिष्ट, नेपाल विद्यार्थी संघ अछामका सचिव राम भाट, त्रिपुरा सुन्दरी क्याम्पस श्रीकोटका स्ववियू सभापति कमल कुँवर, नेपाल विद्यार्थी संघ अछाम बहुमुखि क्याम्पस ईकाई अध्यक्ष गणेश अधिकारी र तरुण दलका सुवास कुँवर लगायतको सहभागिता रहेको थियो ।

हेर्नुस ज्ञापन पत्र