ताजा अपडेट
साँफेबगर नगरपालिकामा दुई दिने खोप कार्यक्रमको स्वास्थ्य संस्था स्तरीय सुक्ष्म योजना तर्जुमा गोष्ठी सुरु
अछामको साँफेबगर नगरपालिकामा दुई दिने खोप कार्यक्रमको स्वास्थ्य संस्था स्तरीय सुक्ष्म योजना तर्जुमा गोष्ठी कार्यक्रमको उद्घाटन भएको छ । गोष्ठिको उद्देश्यबारे साँफेबगर नगरपालिका स्वास्थ्य शाखा प्रमुख पुष्प बुढाले जानकारी गराउनु भएको थियो ।
दुई दिने खोप कार्यक्रमको स्वास्थ्य संस्था स्तरीय सुक्ष्म योजना गोष्ठी कार्यक्रमको उद्घाटन कार्यक्रममा साँफेबगर नगरपालिकाका नगर प्रमुख प्रमुख राजेन्द्र बहादुर कँुवरले विशेष गरी स्वास्थ्य कर्मिहरु आम जनताको प्राण संग प्रत्यक्ष जोडिएका कारण आफ्नो जिम्मेवारी प्रति गम्भिर बन्नुपर्ने बताउनु भयो । त्यस्तै नगर प्रमुख प्रमुख कँुवरले नेपाल सरकारले निःशुल्क वितरण गरीरहेको खोपको मुल्य अधिकतम हुने र त्यसको सहि सदुपयोग हुनुपर्ने बताउनु भयो ।
साँफेबगर नगरपालिकाका नगर प्रमुख राजेन्द्र बहादुर कँुवरको अध्यक्षतामा भएको कार्यक्रममा नगर उपप्रमुख शिव बहादुर कुँवर १४ वटै वडाका वडा अध्यक्षहरु, कार्यपालिका सदस्यहरु, स्वास्थ्य प्रमुख, १४ वटै वडाका स्वास्थ्य प्रमुख लगायतको सहभागिता रहेको थियो । गोष्ठीमा स्वास्थ्य कार्यालय अछामका जनस्वास्थ्य अधिकृत झपट ढुंगानाले सहजीकरण गर्नुभएको थियो भने कार्यक्रमको संचालन साँफेबगर नगरपालिकाका जनस्वास्थ्य निरीक्षक लक्षमण नाथ योगिले गर्नुभएको थियो ।
प्रतिक्रिया