Hamro Bulletin

हाम्रो बुलेटिन - सुचना को नयाँ आयम

मङ्गलबार, ०५ असार २०८१

बयालपाटा अस्पताललाई बजेट सुनिश्चित गर्न माग गर्दै मुख्यमन्त्रीलाई ज्ञापनपत्र

बयालपाटा अस्पताललाई बजेट सुनिश्चित गर्न माग गर्दै मुख्यमन्त्रीलाई ज्ञापनपत्र

अछामको बयालपाटा अस्पतालका लागि बजेट सुनिश्चित गर्न माग गर्दै सुदूरपश्चिम प्रदेशका मुख्यमन्त्री दीर्घबहादुर सोडारीलाई ज्ञापनपत्र बुझाइएको छ ।

अछामबाट निर्वाचित प्रदेश सांसद मेघराज खड्का, साँफेबगर नगरपालिकाका प्रमुख राजेन्द्र कुँवर, न्याय हेल्थ नेपालका अध्यक्ष कुन्द दिक्षित, निवर्तमान प्रदेश सांसद गोविन्द बहादुर कुँवर लगायत सरोकारवाला व्यक्तिहरुले मुख्यमन्त्रीलाई ज्ञापनपत्र बुझाएका हुन् ।

ज्ञापनपत्रमा चालु आर्थिक वर्षमा अस्पताललाई अत्यावश्यक ९ करोड रुपैयाँ प्रदान गर्न र आगामी आर्थिक वर्षहरुमा लागत साझेदारी अनुसार वार्षिक १५ करोड रुपैयाँ अनुदान बजेट उपलब्ध गराइदिन माग गरिएको छ ।

साथै बजेट वक्तव्यमा स्पष्ट रुपमा उल्लेख गर्नुका साथै अन्य चाहिने कानूनी प्रावधानको समुचित व्यवस्था गर्न समेत ज्ञापनपत्रमार्फत माग गरिएको छ ।

बयालपाटा अस्पतालमा लागि बजेट सुनिश्चित गर्न मुख्यमन्त्री सोडारी सकारात्मक रहेको नगरप्रमुख कुँवरले बताए ।

प्रतिक्रिया