ताजा अपडेट
साँफेबगर नगरपालिकाका १४ वडाको राजश्व संकलन १७ लाख ६३ हजार ८ सय ३७ रुपैंयाँ
साँफेबगर नगपालिकाका वडाहरुले चालु आर्थिक वर्षमा १७ लाख ६३ हजार ८ सय ३७ रुपैंयाँ राजश्व संकलन गरेका छन् । नगरपालिकाका १४ वडाबाट उक्त राजश्व संकलन भएको हो ।
नगरपालिकाका १४ वडाहरु मध्ये सबै भन्दा बढी वडा नम्बर ४ मष्टामाण्डौले ४ लाख ९५ हजार ३ सय ३८ राजश्व संकलन गरेको छ । सबै भन्दा कम वडा नम्बर ११ देविस्थानले १२ हजार ८ सय २० संकलन गरेको छ । वडा नम्बर १२ खप्तडको भने राजश्व संकलन शुन्य रहेको छ । वडा नम्बर ३ सिद्धेश्वरले ४ लाख २५ हजार १५,वडा नम्बर १३ बाब्लाले १ लाख ९२ हजार ४ सय ७४,वडा नम्बर ८ चण्डिकाले १ लाख २१ हजार ३ सय २०, वडा नम्बर ५ नवाठानाले ९२ हजार २ सय ४०,वडा नम्बर १० घुघुरकोटले ९० हजार ५ सय ९५ रुपैंयाँ संकलन गरेका छन् ।
यसैगरी वडा नम्बर ९ बुढाकोटले ८५ हजार ९ सय ८३, वडा नम्बर २ जाल्पादेवीले ७५ हजार ९ सय ३०,वडा नम्बर ७ रिडिकोटले ५६ हजार ४ सय ५०,वडा नम्बर ६ भाग्यश्वरले ४७ हजार ७ सय ५०,वडा नम्बर १ बैजनाथले ४६ हजार ६ सय ८० र वडा नम्बर १४ पातलकोटले ४३ हजार ७ सय ४२ रुपैंयाँ संकलन गरेको छ । नगरपालिकाले जनसंख्या, क्षेत्रफल, पुर्वाधार विकास, राजश्व संकलनको अवस्था हेरेर वडालाई बजेट विनियोजन गर्दे आएको छ ।
प्रतिक्रिया