Hamro Bulletin

अछामको साँफेबगर नगरपालिकामा रहेका विपन्न बालबालिकालाई कपडा वितरण गरिएको छ । साँफेबगर नगरपालिकाका नगर प्रमुख राजेन्द्र बहादुर कुँवरले आफ्नो जन्मदिनको अवसरमा साँफेबगर नगरपालिकाका दुबै आमा बुबा गुमाएका ३० जना विपन्न बालबालिकालाई कपडा वितरण गर्नुभएको हो । 

मंगलबार एक कार्यक्रमको आयोजना गरी साँफेबगर नगरपालिकाका नगर प्रमुख राजेन्द्र बहादुर कुँवरले नगरपालिकामा रहेका विपन्न, टुहुरा तथा असहाय बालबालिकालाई सहयोग गर्ने उद्देश्यले कपडा वितरण गरिएको बताउनुभयो । नगर प्रमुख  कुँवरले जन्मदिनको अवसरमा केही सकारात्मक काम गरौँ भन्ने मनमा लागेकाले देखावटी अनावश्यक खर्च नगरी बालबालिकाहरू लाई एक एक जोड लुगा वितरण गर्दा त्यसले ति  विपन्न बालबालिकालाई केहि राहत हुने बताउनु भयो । 

छोटो समयको सुचनामा सबै वडाका बालबालिकाहरु उपलब्ध हुन नसकेकाले उपस्थित बालबालिकालाई कपडा वितरण गरि बाँकि कपडा सबै वडाका वडा अध्यक्षहरुलाई हस्तान्तरण गरीएको साँफेबगर नगरपालिका महिला तथा बालबालिका शाखा प्रमुख अनिता जोशिले बताउनु भयो ।