ताजा अपडेट
पहिलो त्रैमासिक मूल्यांकनमा जिल्ला प्रशासन डडेल्धुरा उत्कृष्ट, अन्यकाे अवस्था कस्ताे ?
काठमाडौं । गृह मन्त्रालयले चालू आर्थिक वर्षको पहिलो तीन महिनाको अवधिमा गरेको कार्यसम्पादन मूल्यांकनमा जिल्ला प्रशासन कार्यालय डडेल्धुरा र पाल्पा उत्कृष्ट भएका छन् ।
मन्त्रालयले बुधवार मात्रै सार्वजनिक गरेको चालू आर्थिक वर्ष २०८१–८२ प्रथम त्रैमासिक नतिजामा जिल्ला प्रशासन कार्यालय डडेल्धुरा र पाल्पाले जम्मा २९.५ अंकमा २९.०७५ अंक प्राप्त गर्दै उत्कृष्ट हुन सफल भएका हुन् ।
डडेल्धुराको प्रमुख जिल्ला अधिकारीमा अहिले उपसचिव चोमेन्द्र न्यौपाने छन् । उनी भदौ २४ गतेदेखि डडेल्धुराको प्रमुख जिल्ला अधिकारीको जिम्मेवारीमा छन् । उनी डडेल्धुरामा यस अघि पनि प्रमुख जिल्ला अधिकारी भइसकेकाले दोस्रो कार्यकाल प्रमुख जिल्ला अधिकारीको जिम्मेवारी सम्हालिरहेका छन् ।
यस्तै पाल्पाको प्रमुख जिल्ला अधिकारीको जिम्मेवारीमा सहसचिव तोयनारायण सुवेदी रहेका छन् । यद्यपी उनी गत कात्तिक ११ गतेदेखि मात्रै प्रमुख जिल्ला अधिकारीका जिम्मेवारीमा छन् । पहिलो त्रैमासिक मूल्यांकनको बेला प्रमुख जिल्ला अधिकारीको जिम्मेवारीमा आनन्द काफ्ले थिए ।
मन्त्रालयले तय गरेका विभिन्न सूचकलाई पुरा गरेका आधारमा गरिएको मूल्याँकनका क्रममा डडेल्धुरा र पाल्पापछि दोस्रो २९.०६५ अंक प्राप्त गर्दै जिल्ला प्रशासन कार्यालय मकवानपुर दोस्रो बन्न सफल भएको छ ।
मकवानपुरमा प्रमुख जिल्ला अधिकारीको जिम्मेवारीमा सहसचिव तिर्थराज चिलुवाल रहेका छन् । उनी गत जेठ २३ देखि अहिलेसम्म उक्त जिम्मेवारीमा छन् । यस्तै २९.०६२५ अंक प्राप्त गर्दै जिल्ला प्रशासन कार्यालय पर्वत तेस्रो हुन सफल भएको छ । पवर्तको प्रमुख जिल्ला अधिकारीको जिम्मेवारीमा सहसचिव केदारनाथ शर्मा रहेका छन् । उनी उनी गत जेठ ६ गतेदेखि उक्त जिम्मेवारीमा छन् ।
२९.०४९३ अंक प्राप्त गर्दै चितवन उत्कृष्ठ चौथो जिल्ला बन्न सफल भएको छ । चितवनको प्रमुख जिल्ला अधिकारीको जिम्मेवारीमा प्रकाश पौडेल रहेका छन् ।
यद्यपी उक्त मूल्यांकन अवधिमा प्रमुख जिल्ला अधिकारीको जिम्मेवारीमा इन्द्रदेव यादव थिए । उनी गत जेठ २३ देखि कात्तिक ८ गतेसम्म चितनको प्रमुख जिल्ला अधिकारीको जिम्मेवारीमा थिए ।
यस्तै २९.०४३३ अंक प्राप्त गर्दै जिल्ला प्रशासन कार्यालय कास्की उत्कृष्ट पाचौँमा पर्न सफल भएको छ । कास्कीको प्रमुख जिल्ला अधिकारीको जिम्मेवारीमा सहसचिव भरणमणी पाण्डे रहेका छन् । उनले उनी गत जेठ २१ देखि अहिलेसम्म उक्त जिम्मेवारीमा रहेका छन् । त्यसपछि क्रममा उत्कृष्टमा तेह्रथुम, कञ्चनपुर, भक्तपुर, धनकुटा, सुनसरी, पश्चिम रुकुम लगायतका जिल्ला रहेका छन् ।
कार्यसम्पादनमा सबैभन्दा कम २०.९०५ अंक प्राप्त गर्दै सबैभन्दा कमजोर देखिएको छ । दोस्रो कमजोरमा मुस्ताङ, खोटाङ, हुम्ला, सिन्धुली र सिन्धुपाल्चोक रहेका छन् ।
पर्सा अहिले प्रमुख जिल्ला अधिकारी सहसचिव गणेश अर्याल रहेका छन् । उनी गत कात्तिक १२ गतेदेखि उक्त जिम्मेवारीमा छन् । यद्यपी मन्त्रालयले त्रैमासिक मूल्यांकन गर्दा प्रमुख जिल्ला अधिकारीको जिम्मेवारीमा दिनेशसागर भुसाल थिए ।
सम्बन्धित समाचार
ताजा अपडेट
-
कांग्रेसको सुदूरपश्चिमस्तरीय भेलामा अन्य प्रदेशका कुनै पनि नेतालाई आमन्त्रण नगरिने
-
सञ्चालक समिति सदस्यका उम्मेदवार कुँवरको अपिल
-
वैदेशिक रोजगारीमा ठगी गर्ने आरोपीको विवरण सार्वजनिक
-
अध्यक्ष ओली र नेता लेखकलाई थप दुई दिन थुनामा राखेर अनुसन्धान गर्न अनुमति
-
एमाले लुम्बिनी सांसद रेखा शर्मा पक्राउ, घटना के थियो ?
प्रतिक्रिया