Hamro Bulletin

अछाम -नेपाली कांग्रेस अछामका नेताहरु द्धारा जिल्लाको रामारोशनका बाढी पीडितको राहतका लागि आर्थिक  सहयोग प्रदान गरिएको छ । मंगलसैन नगरपालिका ओलीगाउँ हाल काठमाडौं निवासी कांग्रेस नेता विनय रावलले बाढी पीडितको राहतका लागि १ लाख रुपैयाँ सहयोग प्रदान गर्नुभएको छ ।

त्यस्तै बान्नीगढी जयगढ गाउँपालिका दर्ना निवासि र हाल अमेरीका बस्दै आएका कांग्रेस नेता तथा समाजसेबी बिष्णु बहादुर शाहले १ लाख,एक हजार, एक सय ,एघार ,साफेबगर नगरपालिका रिडीकोट निवासि कांग्रेस नेता तथा समाजसेबी राजेन्द्र बहादुर शाहले ५५ हजार गरी बिभीन्न कांग्रेस नेता हरुबाट २ लाख ५० हजार बढी आर्थिक सहयोग भएको छ । रामारोशनका बाढी पीडित लाई राहतका लागी जुट्न सम्पुर्ण नेपाली कांग्रेसका नेता तथा कार्यकर्ताहरुलाई अपिल गरेको नेपाली कांग्रेस अछामका पाटी सभापति भरत कुमार स्वारले बताए ।

रामारोशन गाउपालिका– ५ सैनीबजारमा बाढीले बगाएका ११ जना अझै बेपत्ता रहेका छन् । बाढीले बगाएको १७ जना मध्ये अहिलेसम्म ६ जनाको मात्र शब फेला परेको छ ।१५ वर्षीया नवीन साउद, ३५ वर्षीया गौरी शाह र ५४ वर्षीया चन्द्र साउँद,४५ बर्षका अम्मर शाह,४७ बर्षिया लालसरा शाही,२२ बर्षिया बबिता बुढाको शब फेला परेको हो । जिल्ला प्रहरी कार्यालय अछामका प्रमुख डीएसपी योगेन्द्रसिंह थापाका अनुसार अहिले पनी खोजी कार्य जारी रहेको छ ।बाढीले सैनीबजारका २२ घर, रामारोशन क्षेत्रका ९ झोलुगे पुल, एउटा पक्की पुल, गाउँपालिकाको एउटा एम्बुलेन्स, ५ वटा लघु जलविद्युतका पावर हाउस र ४ वटा मोटरसाइकल बगाएको जिल्ला प्रहरी कार्यालय अछामले जनाएको छ ।मंगलवार राती परेको पानीले रामाशरोनमा ठुलो धनजनको क्षति गरेको छ ।