ताजा अपडेट
सुदूरका उच्च पहाडी तथा हिमाली क्षेत्रमा हिमपात, तराइमा वर्षा
धनगढी– सुदूरपश्चिमका उच्च पहाडी तथा हिमाली क्षेत्रमा हिमपात र तराइमा वर्षा भएको छ ।
आइतबार साँझदेखि मौसममा परिवर्तन आएसंगै सुदूरपश्चिमको बाजुरा, बझाङ, दार्चलाका उच्च पहाडी तथा हिमाली क्षेत्रमा हिमपात र प्रदेशको तराई कैलाली र कञ्चनपुरमा वर्षा भएको हो ।
आइतबार साँझदेखि मौसममा आएको फेरबदलका साथै दिउँसो हावाहुरी सुरु भएपछि आइतबार रातिदेखि हिमपात भएको जनाइएको छ ।
बिहानसम्म सुदूरका पहाडी क्षेत्र र हिमाली क्षेत्रमा हिउँ जमेको छ । यस वर्ष ढिला गरी जिल्लामा हिमपात र वर्षा भएसंगै सँगै यहाँका किसान खुसी भएका छन् ।
प्रतिक्रिया