ताजा अपडेट
कैलालीका विभिन्न स्थानबाट छ लाख बढी सामान बरामद, व्यक्ति फरार, प्रहरी भन्छ– ‘अबैध सामान’
धनगढी– कैलाली जिल्ला प्रहरी कार्यालयले धनगढीको मुख्य बजार ट्राफिक चौराहबाट बुधबार अबैध सामान बरामद गरेको छ । तर, व्यक्ति पक्राउ गर्न सकेन् ।
भारतीय नाकाबाट भित्र्याईएको अबैध सामान चौराहमा फेला परेको बताएको प्रहरीले भित्र्याउने व्यक्तिलाई सुरक्षित राखेको हो ।
बिभिन्न स्थानहरुमा रहेका भारतिय नाकाहरुबाट भन्सार छली गरी ल्याएको अन्दाजी छ लाख १९ हजार तीन सय मुल्य बराबरको अबैध मालसामानहरु वेवारिसे अवस्थामा फेला परेको जिल्ला प्रहरी कार्यालय कैलालीले जनाएको छ ।
प्रहरीका अनुसार आवश्यक कारवाहीको लागि भन्सार कार्यालय पठाउने कार्य भईरहेको छ ।
वडा प्रहरी कार्यालय धनगढीबाट प्रहरी निरीक्षक योगेश खत्रीको कमाण्डमा खटिएको टोलीले धनगढी उप–महानगरपालिका वडा नं. ०२ चौराहबाट अन्दाजी मुल्य पाँच लाख ७० हजार बराबरको ११ थान आइफोन मोबाईल बरामद गरेको छ । तर सो भित्र्याउने व्यक्तिलाई संरक्षण गरेको छ ।
त्यसैगरी जिल्ला प्रहरी कार्यालय कैलालीबाट खटिएको मोटरसाईकल गस्ती टोलीले सोही वडाबाट आठ हजार बराबरको साडीमा लगाउने मालाहरु र ईलाका प्रहरी कार्यालय हसुलियाबाट खटिएको टोलीले कैलारी गाउँपालिका वडा नं. ०४ हनुमान मन्दिरबाट अन्दाजी ४१ हजार तीन सय सुर्ति र चकलेट बरामद गरेको जनाएको छ ।
अबैध सामान भारतबाट भित्र्याएको भन्ने प्रहरीले सो समुहलाई पक्राउ गर्न नसक्नुमा प्रहरीकै मिलेमतो देखिएको स्थानीयहरु बताउँछन् । स्थानीयका अनुसार घरकै लागि सामान ल्याउँदा समेत प्रहरीले विभिन्न दुख दिने गरेको छ ।
सम्बन्धित समाचार
ट्रेन्डिङ
ताजा अपडेट
-
उज्यालो बाँड्ने शिक्षक अझैं सम्पर्क बिहिन, परिवार अन्धकारमा
-
अछामी सम्पर्क समिति युएई : प्रेम बोगटीको नेतृत्वमा नयाँ कार्यसमिति चयन
-
एनआरएनए तास्मानिया राज्य समिति सदस्यमा खेम कुँवरको उम्मेदवारी घोषण
-
दश करोडमा खेलकुद मैदान निमार्ण गरी हस्तान्तरण
-
साँफेबगरमा कृषक सुचिकरण सम्बन्धी एक दिने अभिमुखिकरण कार्यक्रम सम्पन्न
प्रतिक्रिया