ताजा अपडेट
अछाममा ४ पालिकाका अति जोखिममा रहेका घर परिवार र एकल महिलालाई बाख्रा वितरण
अछाम : जिल्लाका चार वटा पालिकाका अति जोखिममा रहेका घरपरिवार र एकल महिलाहरुलाई बाख्रा वितरण गरिएको छ।
वल्र्ड भिजन र वाक नेपालको साझेदारीमा सञ्चालित एकृकित उत्थानशील जिवीकोपार्जन तथा पोषण परियोजना अन्तर्गत आईतबार मेल्लेख गाउँपालिका वडा नम्बर ७ नन्देगडामा एक औपचारिक कार्यक्रमका विच बाख्रा वितरण गरिएको हो।
वडा कार्यलयका सिफारीसमा मेल्लेख गाउँपालिकाका ८ वटै वडाका ९ जना र साँफेबगर नगरपालिकाका ४ मष्टामान्डौँका एक जना गररे १० जनालाई जम्मा ३ लाख ६७ हजार ९ सय २० मुल्यका ३५ वटा (१ हजार ८ कि.लो)का बाख्रा वितरण गरिएको छ ।
बालबालिकाको पोषणमा सुधार गर्ने उद्देश्यले बाख्रा वितरण गरिएको वाक नेपालका अध्यक्ष कुँवरले जानकारी दिए । साथै एक वर्षको लागी गोठालो र बाख्राको विमा पनि गरिएको उनको भनाई रहेको छ ।
वाक नेपालका अध्यक्ष मिन बहादुर कुँवरको अध्यक्षतामा सञ्चालन भएको कार्यक्रमका प्रमुख अथिति मेल्लेख गाउँपालिका ७ नन्देगडाका वडा अध्यक्ष प्रेम महर रहेका थिए ।
कार्यक्रमका प्रमुख अथिति अध्यक्ष प्रेम महरले समुदायमा पछाडी परेका वर्गको जिविको पार्जन र पोषणको क्षेत्रमा विगत देखिनै संस्थाले राम्रो काम गरिरहेको भन्दै खुसि व्यक्त गरे । साथै उनले वाक नेपालले समाजमा सञ्चालन गरेका हरेक सकारात्मक काममा आफनो व्यक्तिगत र वडाको तर्फबाट सधै सहयोग रहने प्रतिवद्धाता व्यक्त गरे ।
बाख्रा पाउनु भएका जोखिममा रहेका घरपरिवार र एकल महिलाहरुले संस्थाको यो सहयोग जिवनयापनमा राहत पुग्ने भन्दै संस्थालाई धन्यवाद दिएका छन् । आफुहरुलाई यस्ता किसिमका सहयोग र तालिमको खाचो रहने भएका यसमा स्थानिय सरकार ध्यान दिन आग्रह गरेका छन् ।
कार्यक्रममा वाक नेपालका अनुगमन संयोजक जगत रावल, परियोजना अधिकृत निरन्जना पनेरु लगाएतको सहभागीता रहेको थियो । यसै परियोजना अन्तर्गत सोमबार विनायक पन्ञ्चदेवल नगरपालिका र कमलबजार नगरपालिकाका पनि बाख्रा वितरण गरिएको छ ।
विनायक पन्ञ्चदेवल नगरपालिका वडा नम्बर २ का वडा अध्यक्ष कृप धामीको अध्यक्षतामा सञ्चालन भएको बाख्रा वितरण कार्यक्रमका प्रमुख अथिति वाक नेपालका कार्य समिति सदस्य उषा शाह रहेकी थिइन् ।
कमलबजार नगरपालिकाका २, ३, ४ र ५ नम्बर वडाका ४ जना र विनायकका १,२,३,४,६ र ७ नम्बर वडाका ६ जना गरेर जम्मा १० जनालाई ३ लाख ७९ हजार ५ सय ९रुपँयाका (१ हजार १२ कि.लो) का ३४ वटा बाख्रा वितरण गरिएको वाक नेपालका अनुगमन संयोजक जगत रावलले जानकारी दिए ।
सम्बन्धित समाचार
ताजा अपडेट
-
“सफा खप्तड समरजीतको प्रतिवद्धता” भन्ने मूल नारा सहित व्यापक सरसफाई अभियान
-
खाप्पर दह मेला–२०८२ सम्पन्न, स्वास्थ्य सेवा र सरसफाइ अभियान पनि
-
साँफेबगर नगरपालिका र खाद्य व्यवस्था कम्पनीबीच सम्झौता, अब किसानको उत्पादन सिधै डिपोमार्फत बजारमा
-
उज्यालो बाँड्ने शिक्षक अझैं सम्पर्क बिहिन, परिवार अन्धकारमा
-
अछामी सम्पर्क समिति युएई : प्रेम बोगटीको नेतृत्वमा नयाँ कार्यसमिति चयन
प्रतिक्रिया