ताजा अपडेट
मुख्यमन्त्री शाहको राजनीतिक सल्लाहकारमा उपाध्याय
सुदूरपश्चिमका मुख्यमन्त्री कमलबहादुर शाहको राजनीतिक सल्लाहकारमा डा. जितेन्द्र उपाध्याय नियुक्त भएका छन् । मुख्यमन्त्री शाहले आजदेखि लागु हुने गरी उपाध्यायलाई राजनीतिक सल्लाहकार नियुक्त गरेका हुन् ।
मुख्यमन्त्रीको सल्लाहकार नियुक्ति तथा सेवा र सुविधा सम्बन्धी कार्यविधि २०८१ को दफा ३ को उपदफा १ (क) बमोजिम उपाध्यायलाई राजनीतिक सल्लाहकार नियुक्त गरिएको मुख्यमन्त्री शाहले बताएका छन् ।
कैलालीको टीकापुर नगरपालिका–१, घर भएका उपाध्याय हाल क्यानडा बस्दै आएका छन् । मुख्यमन्त्री शाहका स्वकीय सचिव प्रयागराज खनालका अनुसार ‘फुड साइन्स’ मा विद्यावारिधि गरेका उपाध्याय क्यानडामा प्राध्यापनमा संलग्न थिए ।
प्रतिक्रिया