ताजा अपडेट
नक्कली अभिभावक खडा गरेर दोस्रो विवाह गरे, अमेरिका लैजान्छु भन्थे बुडरमा पक्राउ परे
कैलाली । कञ्चनपुरमा नक्कली अभिभावक बनाएर बहुविवाह गर्ने एक युवकलाई प्रहरीले पक्राउ गरेको छ । डडेल्धुराको भागेश्वर गाउँपालिका ४ का विष्णु प्रसाद माली र उनीसँगै घटनाका मतियार बेदकोट नगरपालिका २ का जनक बहादुर धामी पक्राउ परेका छन् ।
मालीले विवाह गर्ने तयारी गरेको किशोरीको पक्षलाई धामीले ‘केटो मेरो सालो हो निकै राम्रो छ’ भन्दै उच्काएका थिए । धामीको कुरा सुन्दै मालीसँग विवाह गराउन केटी पक्ष पनि राजी भए । तर, विवाह भएको तेस्रो दिन नै मालीले नक्कली अभिभावक खडा गरेर दोस्रो विवाह गरेको पुष्टि भयो ।
कसरी ढाँटे मालीले ?
डडेल्धुराका माली र कञ्चनपुरकी युवतीसँग सामाजिक सञ्जाल मार्फत नजिकिएका थिए । सबै भन्दा पहिले उनले युवतीलाई आफू अविवाहित रहेको, इन्जिनियर भएको र अमेरिकाको भिजा लागिसकेको भन्दै फकाए । मालीले बुवा आमासहितका अन्य परिवारका सदस्य पनि नक्कली खडा गरे ।
उनीहरुले पनि मालीले भने झै गरे । केही महिनापछि युवती विवाह गर्न राजी भइन् । २२ गते कञ्चनपुरको चेतन होटेलमा उनीहरुको विवाह भयो । ‘मेरो काकाको स्वास्थ्य अवस्था जटिल बन्दै छ , जति बेला पनि नराम्रो खबर आउन सक्छ’ भन्दै मोबाइल बन्द गर्न लगाए र ५्७ जनाको उपस्थितिमा मात्रै विवाह मण्डमा आए ।
गुपचुपमा विवाह भयो । धनगढी आए, बसे र भोली पल्ट डडेल्धुरा प्रस्थान गर्न थाले । त्यो बेलासम्म सामाजिक सञ्जाल फेसबुक र टिकटकमा विवाहको फोटा र केही दृश्यहरू आइसकेका थिए । मालीको पहिलो श्रीमतीले आफ्नो श्रीमान्ले अर्काे विवाह गरेको त्यहि टिकटकमा थाहा पाइन् र उनले त्यहि टिकटमा आफू पहिलो श्रीमती रहेको जानकारी गराइन् ।
मालीको पहिलो श्रीमतीको कमेन्ट देखेर दोस्रो श्रीमतीका परिवारका सदस्यहरू अचम्मित भए । परिवारमार्फत प्रहरीसम्म कुरा पुराएपछि उनले नक्कली अभिभावक खडा गरेर बहुविवाह गरेको पुष्टि भयो।
दोस्रो श्रीमती लिएर डडेल्धुरा जाँदै गरेका माली २५ गते बुडर मै पक्राउ परे । मालीले आफूसँग विवाह गर्न गरेको नाटक सबै थाहा पाएपछि दोस्रो श्रीमतिले प्रहरीमा आफूलाई झुक्काएर विवाह गरेको भन्दै उजुरी दिइन् ।
युवतीको उजुरीपछि अहिले माली र उनलाई सहयोग गर्ने धामी पक्राउ परेका छन् । जिल्ला प्रहरी कार्यालयले अझै नक्कली बुवा र आमा बन्नेहरू पनि पक्राउ गर्न बाकी रहेको जनाएको छ । अहिलेसम्म माली सहचालक रहेको खुलेको छ । सहचालक रहेका विवाहित मालीले इन्जिनियर भएको र अमेरिकाको भिजा लागिसकेको भन्दै नक्कली अभिभावक बनाएर दोस्रो विवाह गरेका थिए ।
सम्बन्धित समाचार
ताजा अपडेट
-
काठमाडौंमा रहेका अछामका युवाद्वारा ‘बोल्छ अछाम’ साझा अभियान घोषणा
-
अबको यात्रा महामन्त्रीः संगठनको भुइँदेखि केन्द्रीय शक्ति संरचनासम्म नैन सिंह महर
-
साँफेबगर नगरपालिकाको बाब्लामा केन्द्रीय लाइन विद्युत सेवा सुरु
-
राजनीतिक आँधीमा नेपाल : संकट, सम्भावना र चुनौती
-
लुटिएका ३३ लाख ७० हजार नगदसहित हतियारहरू पनि बरामद
प्रतिक्रिया