Hamro Bulletin

कमल रावल, भदौ ७ अछाम

अछामकोे रामारोशन गाउपालीका पुग्नु भएका सुदुरपश्चि प्रदेशका आर्थिक मामिला तथा योजना मन्त्रि झपट बहादुर बोहराले आज बाढि पहिरोले क्षति गरेको क्षेत्रको अनुगमन सहित राहत हस्तान्तरण गर्नु भएको छ । भदौ ६ गतेबाट अछाम जिल्लाको साँफेबगर नगरपालीबाट अनुगमन सुरु गरेका बोहराले आईतबार दिनभर रामारोशन विभिन्न कार्यक्रममा सहभागि सहीत राहत हस्तान्तरण गर्नु भएको हो ।

अर्थमन्त्रि बोहराले रामारोशन गाउँ पालिकामा बाढी पहिरोबाट पिडित नागरिकका लागि ३ लाख ६२ हजार बराबरको खाद्यान्न तथा स्वास्थ्य सामाग्री गाउँपालिका अध्यक्ष झकर साउदलाई हस्तान्तरण गर्नु भएको उहाँका स्वकिय सचिव आदर्श साउदले बताउनु भयो । ६८ क्विन्टल चामल, २ क्विन्टल दाल र ६३ हजार बराबरको स्वाथ्य सामाग्री हस्तान्तरण गरिएको बताईएको छ । त्यसअघि रामारोशन गाउपालिकाको वडा नम्बर २ र ३ मा बाढिले गरेको क्षतिको स्थलगत अनुगमन गर्नु भएको थियो । त्यसैगरि बोहराले गाउपालिका बैठकमा सहभागी भई रिपोर्ट संकलन र निर्देशन, नेकपा रामारोशन गाउँपालिकाको सचिवालय बैठकमा सहभागी भई रिपोर्ट संकलन गर्नु भएको बताईएको छ ।

अनुगमन सहित छलफलमा नेकपा अछामका अध्यक्ष तथा राष्ट्रिय सभा सदस्य शेर बहादुर कुवर, गाउँपालिका अध्यक्ष झकर बहादुर साउँदको समेत उपस्थित रहेको थियो ।