ताजा अपडेट
कैलालीबाट तीन जना फरार प्रतिवादी पक्राउ
धनगढी । कैलालीबाट तीन जना फरार प्रतिवादी पक्राउ परेका छन् । वन र चेक अनादर मुद्दाका तीन जना फरार प्रतिवादीलाई कैलाली प्रहरीले पक्राउ गरेको हो ।
विना इजाजत वन पैदावार ओसपसार मुद्दामा एक महिना कैद सजाय र ३९ हजार ६६६ जरिवाना तोकिएका कैलालीको गौरीगंगा नगरपालिका–४ बस्ने ४७ वर्षीय मिनबहादुर गुरुधामी, वन मुद्दामा ६५ हजार ६२० जरिवाना तोकिएका कैलारी गाउँपालिका–७ का ५० वर्षीय छेदुराम चौधरी र चेक अनादर मुद्दामा एक हजार जरिवाना तोकिएका गौरीगंगा नगरपालिका–३ बासुपुरका ४५ वर्षीय हरिओम सापकोटा पक्राउ परेका हुन् ।
जिल्ला अदालत कैलालीको विभिन्न मितिको फैसलाले कैद सजाय तथा जरिवाना ठहर भई फरार रहेका तीनै जनालाई मंगलबार जिल्ला प्रहरी कार्यालय कैलालीबाट खटिएको प्रहरी टोलीले पक्राउ गरेको हो ।
प्रतिक्रिया