Hamro Bulletin

भदौ ७ ,अछाम

पन्चदेवल विनायक नगरपलिकामा रहेका क्वारेन्टाइनको जिल्लाको सरोकारवालाको टोलीले अनुगमन गरेको छ । जिल्ला समन्वय समिति प्रमुख नरबहादुर कुँवर र प्रमुख जिल्ला अधिकारीसहित सरोकारवालाले आइतबार अनुगमन गरेको हो । विनायकस्थित पन्चदेवल बहुमुखी क्याम्पसमा बनाइएको क्वारेन्टाइनको अनुगमन गरेको हो । हाल उक्त क्वारेन्टाइन खाली भएको नगरपालिकाका प्रमुख प्रशासकीय अधिकृत पदम माझिले बताउनु भयो ।

कोरोना भाइरसको संक्रमण समुदायमा फैलन नदिन क्वारेन्टाइन व्यवस्थित हुनु पर्ने जिसस प्रमुख नरबहादुर कुँवरले बताउनु भयो । अनुगमनको क्रममा क्वारेन्टाइनहरु खासै व्यवस्थित नभएकाले आगामी दिनमा व्यवस्थित गर्न आग्रह गर्नुभयो । सुरक्षा निकायका प्रमुखहरु समेत रहेको टोलीमा अवैध मदिरा रोकथाम गर्न स्थानीयले आग्रह समेत गरेका थिए । अनुगमनमा प्रमुख जिल्ला अधिकारी गोकर्णप्रसाद उपाध्याय , पन्चदेवल विनायक नगरपालिकाकी उपप्रमुख अम्बिका चलाउने , भवानी बक्स गणपति प्रमुख सेनानी लोचन कार्की , नेपाल प्रहरीका डिएसपी योगेन्द्रसिंह थापा ,सशस्त्र प्रहरीका डिएसपी जगदीश जोशीलगायतको उपस्थिति रहेको थियो ।