ताजा अपडेट
सुदूरपश्चिममा कति छन् इसाई धर्मावलम्बी ?
धनगढी– सुदूरपश्चिममा हिन्दु धर्मावलम्बी घट्दै र इसाई धर्म बढ्दै गएको छ । राष्ट्रिय जनगणना २०७८ अनुसार सुदूरपश्चिममा हिन्दु धर्मावलम्बीको संख्यामा कमी र अन्य धर्मावलम्बीको संख्या बढ्दै गएको उल्लेख छ ।
राष्ट्रिय जनगणना २०७८ अनुसार २६ लाख ९४ हजार सात सय ८३ जनसंख्या रहेको प्रदेशमा इसाई धर्म मान्नेको संख्या ३७ हजार पाँच सय ४० पुगेको छ । प्रदेशमा इसाई धर्म मान्नेको संख्या पुरुष भन्दा महिला बढी रहेको छ । १४ लाख २१ हजार नौ सय ९७ महिला जनसंख्या रहेकोमा इसाई धर्म मान्ने महिला २० हजार दुई सय ९५ रहेको छ भने १२ लाख ७२ हजार सात सय ८६ पुरुष जनसंख्या रहेकोमा इसाई मान्ने १७ हजार दुई सय ४५ रहेको छ ।
सो तथ्यांक अनुसार प्रदेशमा हिन्दु धर्मावलम्बीको संख्या २६ लाख २५ हजार पाँच सय ७६ रहेको छ । प्रदेशमा बौद्ध धर्म मान्नेको संख्या २२ हजार पाँच सय ३६ रहेको छ ।
यस प्रदेशमा दश धर्म मान्नेहरुको संख्या रहेकोमा इस्लाम छ हजार नौ सय ८३, किरात दुई सय ५०, प्रकृति एक हजार पाँच सय ४०, बोन एक सय ९४, जेन ३०, बहाई एक सय ८० र सिख धर्म मान्ने ५४ जना रहेको तथ्यांकमा उल्लेख छ । सुदूरपश्चिमको दार्चुला, बझाङ्, बैतडी, डडेल्धुरा, डोटी, अछाम र बाजुरामा बोन धर्मावलम्बी नरहेको तथ्यांकमा उल्लेख छ ।
सुदूरपश्चिम प्रदेशमा इसाई धर्म मान्नेको संख्या सबैभन्दा बढी कैलाली रहेको छ । कैलालीमा इसाई धर्म मान्नेको संख्या १८ हजार छ सय एक रहेको छ भने कञ्चनपुरमा १७ हजार चार सय ५४ रहेको छ ।
कैलालीमा हिन्दु धर्म मान्नेको संख्या आठ लाख ६७ हजार छ सय ८५ रहेको छ भने कञ्चनपुरमा चार लाख ९० हजार आठ सय २४ रहेको छ ।
प्रदेशको बाजुरामा इसाई मान्ने संख्या ७५, बझाङमा एक सय ८२, दार्चुलामा एक सय २७, बैतडीमा (बाँकी ३ पेजमा) ६२, डडेल्धुरामा तीन सय ५७, डोटीमा दुई सय ९५ र अछाममा तीन सय ८७ जना रहेको तथ्यांकमा उल्लेख छ ।
प्रदेशमा छ वटा धर्म मान्ने जिल्लामा अछाम, डडेल्धुरा, दार्चुला, बझाङ र पाँच वटा धर्म मान्ने जिल्लामा बाजुरा, बैतडी रहेको छ । प्रदेशको डोटीमा आठ धर्मावलम्बी रहेको तथ्यांकमा उल्लेख छ ।
प्रतिक्रिया