ताजा अपडेट
धनगढीमा लागूऔषधसहित तीन जना समातिए
धनगढी । कैलालीमा लागूऔषधसहित तीन जना पक्राउ परेका छन् ।
धनगढी उपमहानगरपालिका–३ चटकपुर डिके आयल नजिकबाट बर्दगोरीया गाउँपालिका–२ बस्ने २६ वर्षीय रामप्रशाद चौधरी र बर्दगोरीया गाउँपालिका–५ बस्ने २५ वर्षीय हिमाल चौधरी पक्राउ परेका हुन् ।
दुबै जनालाई ३६० मिलिग्राम खैरो हेरोइनसहित जिल्ला प्रहरी कार्यालय कैलाली र अस्थायी प्रहरी पोष्ट चटकपुरबाट खटिएको प्रहरी टोलीले नियन्त्रणमा लिएको हो ।
यस्तै धनगढी उपमहानगरपालिका–८ मुस्कान टोलबाट सोही ठाउँ बस्ने ३१ वर्षीय सुरेन्द्र भट्ट पक्राउ परेका छन् । भट्टलाई १ ग्राम ३१० मिलिग्राम खैरो हेरोइनसहित पक्राउ गरिएको हो ।
प्रतिक्रिया