ताजा अपडेट
दारी ग्याङ बझाङमा पनि बिस्तार, संयोजकमा जोशि
बझाङ, ७ भदौ । सामाजिक क्षेत्रमा काम गर्दै आइरहेको गैरराजनीतिक तथा सामाजिक संस्था दारी ग्याङ बझाङमा पनि बिस्तार भएको छ । दारी ग्याङ धनगढीका संयोजक दिनेश बोहराको पहलमा यसको शाखा बझाङमा बिस्तार भएको हो ।
हेमन्त राज जोशी संयोजकत्वमा सर्वसम्मत कार्य समिति चयन गरिएको छ । जसको सहसंयाेजकमा कबिन्द्र कडायत, सचिवमा रिदम सिह ठकुरी, कोषाध्यक्षमा डोरेन्द्र खड्का, प्रविधि संयोजकमा मदन राज जोशी, सल्लाहकारमा बसन्त प्रताप सिह, नरेन्द्र उपाध्याय, मकरराज धामी र हर्क धामि चयन भएका छन ।
समितिमा थप सदस्य रहेका छन । संयोजक जोशीका अनुसार दारी ग्याङ बझाङले समाज रुपान्तरण तथा स्थानीय स्तरमा रहेका विभिन्न पक्षमा जनचेतनामूलक अभियान सञ्चालन गर्नेछ ।
बझाङका पर्यटकीय स्थलको संरक्षण र प्रचार प्रसार गर्ने, रक्तदान गर्ने एवं सचेतना प्रदान गर्ने कार्यक्रम सञ्चालन गर्ने बताएका छन् ।
यस्तै प्राकृतिक विपतमा परेकालाई भौतिक, आर्थिक सहयोग गर्दै जाने र समान उद्देश्य बोकेका संस्थाहरुसंग सहकार्य गर्ने समूहका संयोजक जोशीले बताए । समाजका विकृतिका विरुद्ध अभियान चलाउने र यसको लागि योजना बनाइरहेको उनको भनाइ छ ।
चार बर्ष अघि सामाजिक संजालबाट सुरु भएको दारी ग्याङ नेपालका ३३ भन्दा बढि जिल्लाहरुमा आधिकारिकरुपमा बिस्तार भएको दारी ग्याङ धनगढीका संयोजक दिनेश बोहराले बताए ।
प्रतिक्रिया