ताजा अपडेट
अछामको कमलबजार विमानस्थलमा परीक्षण उडान सफल
धनगढी । अछामको कमलबजार विमानस्थलमा आज परीक्षण उडान गरिएको छ । दिउँसो ३ बजे तारा एयरको जहाजमार्फत विमानस्थलमा परीक्षण उडान गरिएको हो । आज ११ बजे नै नेपालगञ्जबाट परीक्षण उडान गर्ने भनिएकोमा खराब मौसमका कारण ढिलो भएको हो । क्याप्टेन सञ्जिव श्रेष्ठले परीक्षण उडान सफल भएको बताउँदै कमलबजार विमानस्थलमा नियमित उडान गर्न समस्या नरहेको बताए ।
उनले धावनमार्ग कालोपत्रे भए झनै सहज हुने बताए । परीक्षण उडान सफल भएसंगै अर्को जहाजमा संस्कृति, पर्यटन तथा नागरिक उड्डयन मन्त्री बद्री पाण्डे र राज्यमन्त्री अरुण चौधरी कमलबजार पुग्ने कार्यक्रम तय भएको छ ।
निर्माण सुरु भएको ३२ वर्षपछि विमानस्थलमा परीक्षण उडान भएको कमलबजार नगरपालिकाका नगरप्रमुख यज्ञप्रसाद ढकालले जानकारी दिए । उनका अनुसार विमानस्थलको निर्माण २०४९ सालदेखि सुरु भएको थियो ।
निर्माण सम्पन्न भएर सञ्चालनको तयारी हुँदा तत्कालीन माओवादीले आक्रमण गर्दा विमानस्थलको रिपिटर टावर ध्वस्त भएपछि परीक्षण उडानसमेत भर्न नपाउँदै विमानस्थल बन्द भएको थियो । आर्थिक वर्ष २०८०/०८१ मा विनियोजित बजेटले विमानस्थल ग्राभेल गरिएपछि परीक्षण उडान गरिएको हो ।
कमलबजार नगरपालिकाका मेयर ढकालले परीक्षण उडान सफल भएसंगै अब नियमित उडानका लागि प्रक्रिया अगाडि बढाउने बताए । ‘प्रत्येक शुक्रबार नेपालगञ्जबाट उडान भर्नका लागि छलफल चलाएका छौं,’ उनले भने, ‘विमानस्थलमा नियमित उडान भए अछाम र दैलेखका बासिन्दालाई सहज हुने छ ।’
सम्बन्धित समाचार
ताजा अपडेट
-
साँफेबगर नगरपालिकाद्वारा उत्कृष्ट विद्यार्थीलाई शैक्षिक सामग्री तथा प्रोत्साहन वितरण
-
साँफेबगर नगरपालिकाद्वारा उत्कृष्ट विद्यार्थीलाई शैक्षिक सामग्री तथा प्रोत्साहन वितरण
-
सुदूरपश्चिम प्रदेश निर्माण व्यवसायी महासंघको अध्यक्षमा लक्ष्मण स्वाँर निर्वाचित (नतिजा सहित)
-
मुख्यमन्त्रीले अर्थ राख्ने, सामाजिक र वन अर्को पक्षले लिने : सुदूरपश्चिम कांग्रेसमा भागबण्डा
-
कांग्रेसको सुदूरपश्चिमस्तरीय भेलामा अन्य प्रदेशका कुनै पनि नेतालाई आमन्त्रण नगरिने
प्रतिक्रिया