ताजा अपडेट
एमालेबाट कारबाही भएकालाई पार्टी प्रवेश गराउने देखि शहिद परिवारसंग भेटघाट
धनगढी– कञ्चनपुरको पुनर्वास नगरपालिका वडा नम्बर ६ (टाउन बजार)को खुल्ला मञ्चमा नेकपा माओवादी केन्द्रका पार्टी अध्यक्ष पुष्पकमल दाहालले शनिबार सम्बोधन गरेका छन् ।
सम्बोधन गर्नुभन्दा पूर्व उनी पार्टी कार्यकर्ता, शुभचिन्तक, सुरक्षानिकायको घेराभित्रबाटै कञ्चनपुर जिल्लाको पुनर्वास वडा नम्बर ९ को विचफाँटाको प्याराताल निरिक्षण गर्न पुग्न खोज्दा सुरक्षा निकायले असुरक्षा जानकारी दिएपछि त्यहाँबाट वडा नम्बर ८ को गोविन्द विकको घर पुगेका थिए ।
उनी पूर्व नेपाल प्रहरीका प्रहरी सहायक निरिक्षक (असई) हुन् । उनी कैलालीको धनगढी उपमहानगरपालिका वडा नम्बर १२ जुगेडामा तस्करबाट मारिएका थिए । उनका परिवारलाई सान्तवना दिन प्रचण्ड त्यहाँ पुगेका हुन् ।
त्यस लगत्तै उनी पुनर्वास वडा नम्बर ४ जनकवस्तीमा भारतीय सुरक्षा निकायबाट मारिएका शहिद गोविन्द गौतमको शालिकमा मल्र्यापण गर्न पुगेका थिए ।
शहिद गौतम नेपाली भुमि भारतबाट अतिक्रमण आन्दोलनमा भारतीय सुरक्षाकर्मीबाट गोलि लागि मृत्यु भएको थियो ।
पूर्वप्रधानमन्त्री समेत रहेका प्रचण्ड त्यसलगत्तै त्रिभुवन वस्तीको खुल्ला मञ्चमा खबरदारी आम सभालाई सम्बोधन गर्न पुगेका थिए ।
सम्बोधन गर्नपूर्व नेकपा एमालेबाट कारबाही भएका र पार्टि हितविपरित कार्य गरेका तथा गत निर्वाचनमा पार्टीका विरुद्धमा उम्मेदवारी दिने र पार्टीलाई पराजय गराउन षडयन्त्र गरेकै कारण पार्टीले कारबाही गरेका व्यक्तिहरुलाई पार्टी प्रवेश गराएका थिए । ती र त्यस्ता व्यक्तिहरु जुनसुकै पार्टीमा गएतापनि एमालेलाई कुनै पनि असर नपर्ने नेकपा एमालेका पार्टी उपाध्यक्ष जनकराज अवस्थीले बताए ।
एमालेका पार्टी उपाध्यक्ष अवस्थीसंगको टेलिफोन वार्तामा सोध्दा ‘नेकपा एमाले भनेको एउटा सागर हो । सागरमा एक दुई सय लोटा पानी झिक्दा केही असर पर्दैन ।’
उपाध्यक्ष जनकले भने –‘आफनो इतिहास आफैले पढन जान्नुपर्छ । हिजो इतिहासमा हामीले के गर्यौ र कसरी पार्टीलाई अघि लग्यौं । जति पनि साथी जानु भयो उहाँहरुलाई नै थाहा होला ।
शनिबार माओवादी केन्द्रका अध्यक्ष पुनर्वासमा खबरदारी सभालाई सम्बोधन गर्न आएका थिए । एमाले उपाध्यक्ष अवस्थीले भने ‘२०६४ को इतिहास एक चोटी पल्टाउँदा हुन्छ । शनिबारको सम्बोधन जसरी गरेका छन् । जसरी बोलेका छन् प्रचण्डले कसलाई लग्यौ र कसरी लग्यौं माओवादी साथीहरुलाई थाहा होला ?’
प्रचण्डले आफनो सम्बोधनमा पुनर्वास नगरपालिकामा रहेको ग्रामिण आवास कम्पनिको नाममा दर्ता श्रेष्ता कायम भएको ६५ विगाह जग्गाको विषयमा समाधान गर्न पहल गरेको बताए ।
प्रचण्डको अभिव्यक्तिमा एक जना एमाले नेता भन्छन् –‘उनलाई सरकारमा बस्न नदिएको आक्रोस पोखिरहेका हुन् । उनी यतिखेर सडकमा भौत्तारिएको सत्ताको भोको राजनीतिज्ञ हुन् ।’
उनले भने –‘०८४ मा प्रचण्डको हैसियत कहाँ पुग्छ सायद उहाँलाई थाहा होला कि हामीलाई राम्रोसंग थाहा छ ।’
नेकपा एमालेबाट कञ्चनपुर क्षेत्र नम्बर १ बाट प्रतिनिधि सभामा निर्वाचित नेता तारा लामा तामाङ्गले भने ‘०६४ देखि ०७९ सम्मको इतिहासमा नेकपा एमालेमा रहेर असहयोग गर्दै आइरहेको सर्वविविदतै छ । ०७० मा त उहाँहरुले काँग्रेसलाई सहयोग गरेको हो । ०७९ को स्थानीय तह निर्वाचनमा विद्रोह गरेर पनि जानुभयो ।’
उनले भने –‘माओवादीलाई लाग्न सक्छ । ठुलो शक्ति ल्यायौ । तर, बन्चरोले दाउरा चिर्छ । दाउरामा बन्चरो परेन भने आफनै खुट्टा काट्छ । माओवादीहरुले त्यही सोचे हुन्छ ।’
खबरदारी सभालाई सम्बोधन गर्दै अध्यक्ष प्रचण्डले भने –‘सुशासन विरोधी भ्रष्टाचारका पक्षधरहरुले सरकारमा बस्न दिएन् । प्रतिपक्षी दलको नेताको हैसियतले तपाइहरुको पक्षमा काम गर्ने छौं । माओवादी पार्टी एक भयो भनेमात्र सामाजिक न्याय हुने छ । समाजवादको आधार तय हुने छ । अहिले देशभरी माओवादीमा आउनेको लहर चलेको छ ।’
उनले आफु सरकारमा भए भ्रष्टाचारका सम्पूर्ण कागज खोल्ने बताउँदै –‘गिरिबन्धुको फाइल खोलिने छ । ओमनी, बाइडबडीको भ्रष्टाचारलाई छोडिने छैन् । यो सबैको निम्ती माओवादीलाई बलियो बनाउनुपर्ने छ । भ्रष्टाचारीहरुलाई लख्ट्ने प्रक्रिया हुने छ र शुशासनको युगको शुरुवात हुने छ ।’
सेती महाकालीलाई न्याय दिनका लागै जनयुद्ध शुरु गरेको उनले बताए । ‘जबसम्म सेती महाकालीको विकास हुँदैन् । पुनर्वासको विकासका समस्या समाधान हुँदैन । तबसम्म म विश्राम लिने छैन् । म तपाईहरुलाई विश्वास दिन चाहन्छु ।’
प्रतिक्रिया