ताजा अपडेट
आगामी राजनीतिक यात्राबारे भीम रावलको निवासमा छलफल
एमालेबाट निष्कासित पूर्व उपाध्यक्ष डा. भीमबहादुर रावलले भेटघाटलाई तीब्र बनाएका छन् । डडेलधुराका दुई प्रभावशाली नेता पूर्वसांसद् कर्ण मल्ल र स्वतन्त्र सांसद् डा. तारा जोशीसँग आज भेटवार्ता गरेका हुन् ।
सुदूरपश्चि प्रदेशका सबै जिल्लामा ‘राम्रो प्रभाव’ रहेका ती नेताहरू एकाबिहानै नेता रावललाई भेट्न उनको निवास टोखा पुगेका थिए । दुई दशकसम्म काँग्रेस सभापति शेरबहादुर देउवाको चुनावी कमाण्डर बनिसकेका मल्ल र एमाले हुँदै ‘स्वतन्त्र सांसद्’ बनेका जोशीले रावलको भावी राजनैतिक कदमबारे आफूहरू सकारात्मक रहेको जानकारी दिएका छन् ।
एमालेभित्र विद्रोहको तयारी भइरहेको भनिएको समयमा डडेलधुराका दुई नेताको उपस्थितिले रावल समूहमा थप उत्साह थपेको छ । ‘कर्ण दाइ र तारा दाइ डडेलधुराको कामकाजी नेता हुनुहुन्छ । उहाँहरूले रावल कमरेडलाई समर्थन जनाइरहनुभएको छ । हामी निकै खुसी छौँ,’ रावलनिकट एक केन्द्रीय सदस्यले भने ।
अध्यक्ष केपी शर्मा ओलीको ‘कार्यशैली’को आलोचना गर्दा एमालेबाट निकालिएका नेता रावलले आगामी ‘राजनीतिक यात्रा’बारे नेता–कार्यकर्तासँगको परामर्शलाई थप गति दिएका छन् ।
प्रतिक्रिया