ताजा अपडेट
अस्ट्रेलियाले जित्यो भारतविरुद्धको टेस्ट सिरिज
काठमाडौँ — अस्ट्रेलियाले पाँचौं, अन्तिम तथा निर्णायक टेस्टमा आइतबार भारतलाई ६ विकेटले पराजित गरेको छ । सिडनी क्रिकेट मैदानमा जितका लागि १ सय ६२ रनको लक्ष्य पाएको अस्ट्रेलियाले चार विकेट गुमाएर त्यसलाई प्राप्त गरेको थियो ।
यससँगै अस्ट्रेलियाले सिरिज ३–१ ले जितेको छ र बोर्डर–गावस्कर ट्रफि आफ्नो नाममा लेखाएको छ । अस्ट्रेलियाले भारतलाई टेस्ट सिरिजमा हराएको यो १० वर्षयता पहिलो पटक हो । उसका लागि बेउ वेबस्टरले ३९ र ट्रेभिस हेडले ३४ रन बनाए ।
उनीहरूले पाँचौं विकेटका लागि ५८ रनको नटआउट साझेदारी गरे । घरेलु टिममका लागि ओपनर उस्मन ख्वाजाले सर्वाधिक ४१ रन बनाए । यस्तै, अर्को ओपनर साम कोन्टासले २२ रनको योगदान दिए । भारतीय बलरमध्ये प्रसिद्ध कृष्णले ३ विकेट लिए ।
यसअघि भारत आफ्नो दोस्रो इनिङ्समा १ सय ५७ रन बनाएर अलआउट भएको थियो । भारतले ६ विकेट गुमाएर १ सय ४१ रन बनाएर दिनको सुरु गरेको थियो र टिम अस्ट्रेलियाली धारिलो बलिङसामु लामो समय टिकेन् र चाँडै सबै विकेट गुमायो ।
अस्ट्रेलियाका लागि स्कट बोलान्डले ४५ रनमा ६ विकेट लिए । यस्तै प्याट कमिन्सले ४४ रनमा तीन विकेट लिए । भारतले आफ्नो पहिलो इनिङ्समा १ सय ८५ रन बनाएपछि अस्ट्रेलियाले त्यसको जवाफमा १ सय ८१ रन बनाएको थियो । भारतले बोर्डर–गावस्कर ट्रफि जित्ने हो भने सिड्नी टेस्ट जित्न आवश्यक थियो । तर त्यसलाई अस्ट्रेलियाले पूरा हुन दिएन।
सम्बन्धित समाचार
ताजा अपडेट
-
कांग्रेसको सुदूरपश्चिमस्तरीय भेलामा अन्य प्रदेशका कुनै पनि नेतालाई आमन्त्रण नगरिने
-
सञ्चालक समिति सदस्यका उम्मेदवार कुँवरको अपिल
-
वैदेशिक रोजगारीमा ठगी गर्ने आरोपीको विवरण सार्वजनिक
-
अध्यक्ष ओली र नेता लेखकलाई थप दुई दिन थुनामा राखेर अनुसन्धान गर्न अनुमति
-
एमाले लुम्बिनी सांसद रेखा शर्मा पक्राउ, घटना के थियो ?
प्रतिक्रिया