ताजा अपडेट
बाख्रा चराउन गएका दुई किशोरी जंगलमा मृत भेटिए
अछामको एक जंगलमा बाख्रा चराउन गएका दुई किशोरी जंगलमा मृत अवस्थामा भेटिएका छन्। अछामको ढकारी गाउँपालिका –८, पल्साता बस्ने १३ वर्षीया सरस्वति खड्का र १५ वर्षीया ईश्वरी खड्काको शव क्षतविक्षत अवस्थामा फेला परेको बताइएको छ।
जिल्लाको ढकारी गाँउपालिका-१ को छिन्ने वडार जंगलमा बाख्रा चराउन गएका उनीहरु शनिबार खोजी गर्ने क्रममा मृत अवस्थामा भेटिएको स्थानीय रामबहादुर भण्डारीलाई उदृत गर्दै बालाराम ढकालले जानकारी दिए। दुई किशोरी जंगलमा मृत अवस्थामा भेटिएको अछाम प्रहरी प्रमुख प्रहरी नायब उपरीक्षक ईश्वरीप्रसाद भण्डारीले जानकारी दिए।
घटना बारेमा आफूले भर्खरै जानकारी पाएर धनगढीबाट गाउँ फर्किरहेको उपचारमा जानुभएका ढकारी गाउँपालिका अध्यक्ष प्रकाशबहादुर साउँदले जानकारी दिए । ‘घटना विभत्स खालको भन्ने छ, दुईटाको लाश २० मिटरको फरकमा छ भन्ने आएको छ’ अध्यक्ष साउँदले भने।
घटनास्थलमा प्रहरी पुगिसकेको भएपनि राति अनुसन्धान हुन नसक्ने भन्दै आईतबार बिहानै प्रमुख जिल्ला अधिकारीसहितको टोली घटनास्थलमा जाने तयारी अवस्थामा रहेको भण्डारीको भनाइ छ । उक्त वडाको अधिकांश स्थानमा टेलिफोन सम्पर्कको समस्याका कारण थप विवरण आउन बाँकी छ। घटनाको कारण खुल्न सकेको छैन। प्रहरीले अनुसन्धान थालेको छ ।
प्रतिक्रिया