ताजा अपडेट
कैलालीमा प्रतिबन्धित औषधी बिक्रि गर्ने फार्मेसी सञ्चालकसहित २ जना पक्राउ
धनगढी । कैलालीमा प्रतिबन्धित औषधी बिक्रि गरेको आरोपमा मेडिकल सञ्चालकसहितका दुई जनालाई पक्राउ गरिएको छ ।
पक्राउ पर्नेमा लम्कीचुहा नगरपालिका–४ को बलियाको इमानोयल फार्मेसीका सञ्चालक ३८ वर्षीय मेसक चौधरी र सोही ठाउँका १९ वर्षीय अमृत चौधरी रहेका छन् ।
दुवै जनाले प्रतिबन्धित औषधी बिक्रि वितरण गर्ने गरेको पाइएपछि पक्राउ गरिएको जिल्ला प्रहरी कार्यालयका प्रवक्ता प्रहरी नायब उपरीक्षक(डीएसपी) कबिन्द्र सिंह बोहराले जानकारी दिए ।
उनकाअनुसार फार्मेसी सञ्चालक मेसकबाट १७ ट्याबलेट नेमेडोल र अमृतको साथबाट ४३ ट्याबलेट ट्रमेडोल औषधी बरामद गरिएको छ । दुवै जनालाई नियन्त्रणमा राखेर थप अनुसन्धान भइरहेको प्रहरीले जनाएको छ ।
प्रतिक्रिया