ताजा अपडेट
प्रजातन्त्र दिवस विशेष कार्यक्रम गरि मनाउँदै सुदूरपश्चिम सरकार
धनगढी । आज ७५ औं राष्ट्रिय प्रजातन्त्र दिवसको उपलक्ष्यमा धनगढीमा प्रदेश सरकारले विशेष कार्यक्रम आयोजना गर्दै छ । कार्यक्रमको शुभारम्भ गर्न धनगढीको शहिद गेटबाट सुदूरपश्चिम प्रदेश सरकारले प्रभात फेरि गर्दै छ । शहिद गेटमा शहिदहरुको स्मारिकमा मल्र्यापण गरि शुभारम्भ हुने ¥याली प्रदेश सरकारको आन्तरिक मामिला तथा कानुन मन्त्रालयमा पुगेर विशेष समारोह आयोजना गरिने छ ।
प्रदेश प्रमुख नजिर मियाँको प्रमुख आतिथ्यमा हुने समारोहमा प्रदेशका मुख्यमन्त्री कमलबहादुर शाह, मन्त्रीहरु, राज्यमन्त्रीहरु, प्रदेश सभा सदस्यहरु, जनप्रतिनिधिहरु, सुरक्षा निकायका प्रमुखहरु लगायतको सहभागिता रहने कार्यक्रम तय भएको छ ।
यस्तै, मंगलबार प्रजातन्त्र दिवसको अवसमार प्रदेश सरकार मातहात रहेका मन्त्रालयहरुले झण्डा तथा व्यानर सजाई कार्यालय सरसफाई गर्नुका साथै राती मन्त्रालय तथा कार्यालयहरुमा दिप प्रज्वलन गरि दिपावलीका रुपमा मनाइएको छ ।
यससंगै सरकारी कार्यालयहरुले आफनो वेवसाईट र डिस्पेल बोर्डमा प्रजातन्त्र दिवसको शुभकामना सन्देश प्रकाशन गरेका छन् ।
विक्रम संवत् २००७ फागुन ७ गते १०४ वर्षसम्म चलेको जहाँनीया राणाशासन अन्त्य भई नेपालमा प्रजातन्त्रको स्थापनाको घोषणा भएको दिनको स्मरणमा यो दिवस मनाउन थालिएको हो । दिवसका अवसरमा अन्य सङ्घ संस्थाले पनि विभिन्न कार्यक्रम आयोजना गरेका छन् ।
संघियतासंगै प्रदेश सरकार गठन भएयता प्रदेश सरकारले फागुन ६, ७ र ८ गते तीन दिनसम्म विशेषरूपमा दिवस मनाउदै आएको थियो । तर, यस वर्ष मंगलबार र बुधबारमात्र दिवस मनाउने गरि कार्यक्रम तय गरेको आन्तरिक मामिला तथा कानुन मन्त्रालयले जनाएको छ ।
प्रजातन्त्र दिवसलाई २०४६, २०६३ र २०६५ का परिवर्तनको जगका रूपमा सम्झना गरी विभिन्न कार्यक्रम आयोजना गर्ने गरिएको छ ।
प्रतिक्रिया