ताजा अपडेट
अत्तरिया–धनगढी मोटरसाइकल र्याली गर्दै राप्रपा, १८ गते आमसभा
धनगढी । राप्रपाले कैलालीले अत्तरियादेखि धनगढीसम्म मोटरसाइकल र्याली गर्ने भएको छ । मंगलबार राष्ट्रवादी युवा समूह र राष्ट्रिय प्रजातन्त्र पार्टीले राष्ट्रिय झण्डासहितको र्याली निकाल्ने भएको हो ।
राष्ट्रिय प्रजातन्त्र पार्टीका सुदूरपश्चिम प्रदेश अध्यक्ष धर्मराज जोशीले आम जनताको चाहनाअनुसार राष्ट्रिय हितको रक्षा गर्न, भ्रष्टाचार नियन्त्रण गरी मुलुकमा सुशासन कायम गर्न, राष्ट्रको विकास निर्माण अभियानलाई तीब्रता दिन, राजनीतिक स्थिरता प्रदान गर्न तथा राजनीतिक स्थायित्वकै लागि संविधान संशोधन र तदनुकुलको कानुन निर्माणलाई प्राथमिकता दिन सरकार गम्भीर नभएको भन्दै मोटरसाइकल र्याली र १८ गते धनगढीमा आमसभा गर्ने जानकारी दिए ।
१८ गते धनगढीमा आमसभा पनि गर्ने राप्रपा कैलालीले जनाएको छ ।
प्रतिक्रिया