Hamro Bulletin

साँफेबगर नगरपालिका विद्यालय अनुगमन कार्यदलद्वारा साँफेबगर नगरपालिकाका वडा नं. १ का विद्यालयहरुको अनुगमन गरिएको छ ।नगरपालिकाका विभिन्न विद्यालयहरु अनुगमन गर्ने क्रममा २५ गते साँफेबगर नगरपालिका– २ जाल्पादेवीको बुढिगंगा अधारभुत विद्यालय, साँफेबगर नगरपालिका– २  बैद्यनाथका शिव शक्ति आधारभूत विद्यालय र सुर्य चन्द्र प्राविधिक तथा व्यवसायिक नमुना माध्यमिक विद्यालयमा अनुगमन गरिएको हो  ।

विद्यालय अनुगमनका क्रममा विद्यालयमा संचालनमा रहेको बार्षिक परिक्षको स्थिती, जिल्ला स्थरीय परिक्षको स्थिती, विद्यालयको शैक्षिक अवस्था र विद्यालय प्रशासन , भौतिक संरचना तथा विद्यालयको वर्तमान अवस्था बारे अनुगमन गरिननुका साथै विद्यालयमा शिक्षक विद्यार्थी उपस्थिति , सेनिटरी प्याड वितरण तथा व्यवस्थापन , खानेपानी तथा सरसफाइ , दिवाखाजा व्यवस्थापन , लगायत विविध पक्षहरुको अनुगमन गरिएको थियो ।

अनुगमनमा साँफेबगर नगरपालिका सामाजिक विकास समिति संयोजक तथा विद्यालय अनुगमन कार्यदल संयोजक जनक कडायत , नगरपालिकाका शिक्षा युवा तथा खेलकुद शाखाका प्राविधिक सहायक झंकर खनाल , अनुगमन कार्यदल सदस्य उमाकान्त जोशी, नगरपालिकाका आईटि प्रमुख अम्बर बोहरा, विद्यालय अनुगमन कार्यदल समिती सदस्य भगवति खनाल लगाएतको सहभागिता रहेको थियो ।