Hamro Bulletin

साँफेबगर नगरपालिका विद्यालय अनुगमन कार्यदलद्वारा साँफेबगर नगरपालिकाका वडा नं. २ का विद्यालयहरुको अनुगमन गरिएको छ ।नगरपालिकाका विभिन्न विद्यालयहरु अनुगमन गर्ने क्रममा २६ गते साँफेबगर नगरपालिका– २ जाल्पादेवीको ज्ञानज्योति अधारभुत विद्यालय, त्रिपुरा सुन्दरी माध्यमिक विद्यालय, खापरमाण्डौ अधारभुत विद्यालय, सरस्वती अधारभुत विद्यालय र साँफेबगर ७ को जाल्पादेवी ख बालशिक्षाको अनुगमन गरिएको हो  ।

विद्यालय अनुगमनका क्रममा विद्यालयमा संचालनमा रहेको बार्षिक परिक्षको स्थिती, जिल्ला स्थरीय परिक्षको स्थिती, विद्यालयको शैक्षिक अवस्था र विद्यालय प्रशासन , भौतिक संरचना तथा विद्यालयको वर्तमान अवस्था बारे अनुगमन गरिननुका साथै विद्यालयमा शिक्षक विद्यार्थी उपस्थिति , सेनिटरी प्याड वितरण तथा व्यवस्थापन , खानेपानी तथा सरसफाइ , दिवाखाजा व्यवस्थापन , लगायत विविध पक्षहरुको अनुगमन गरिएको थियो ।

अनुगमनमा साँफेबगर नगरपालिका सामाजिक विकास समिति संयोजक तथा विद्यालय अनुगमन कार्यदल संयोजक जनक कडायत , नगरपालिकाका शिक्षा युवा तथा खेलकुद शाखाका प्राविधिक सहायक झंकर खनाल , अनुगमन कार्यदल सदस्य उमाकान्त जोशी, विद्यालय अनुगमन कार्यदल समिती सदस्य भगवति खनाल लगाएतको सहभागिता रहेको थियो ।