ताजा अपडेट
सुदूरपश्चिममा झण्डै तीन हजार विपन्न बेरोगारलाई सहुलियत कर्जा प्रबाह
सुदूरपश्चिम प्रदेश स्वरोजगार विकास कोषले प्रदेशका झण्डै तीन हजार जना विपन्न बेरोजगारहरुलाई स्वरोजगार गर्न सहुलियत कर्जा प्रबाह गरेको छ ।
कोषले प्रदेशको ३७ वटा स्थानीय तहमा रहेका सहकारी संस्था मार्फत दुई हजार नौ सय १६ जनालाई विनाधितो ६० करोट दुई लाख सहुलयितापूर्ण कर्जा प्रवाह गरेको हो ।
कोषले सहकारी संस्थाहरुलाई थोक कर्जा दिन्छ भने कोषले छनौट गरेका लाभग्राहीलाई सहकारीहरुले सहुलियत कर्जा दिने गरेका छन् । कोषबाट एक तीन प्रतिशतमा लिएको थोक कर्जा सहकारीहरुले पाँच प्रतिशतसम्म लिएर विपन्न तथा बेरोजगारलाई कर्जा दिने गरेका छन् ।
कोषका कार्यकारी निर्देशक चुडामणि तिम्सिनाले कोषबाट थोक कर्जा प्राप्त गरेका सहकारीले विपन्न तथा बेरोजगारलाई बढीमा तीन लाखसम्म सहुलियत ब्याजदरमा कर्जा दिने व्यवस्था गरिएको बताए । २०७९ पुसदेखि कर्जा प्रवाह थालेको कोषले सहकारीहरुलाई २० देखि ८० लाख रुपैयाँ थोक कर्जा दिने गरेको उनले बताए ।
प्रतिक्रिया