Hamro Bulletin

सुदूरपश्चिम प्रदेशका उद्योग, पर्यटन, वन तथा वातावरण मन्त्री लक्ष्मण किशोर चौधरीले पदबाट राजिनामा दिएका छन । मन्त्री चौधरीले कुनै काठ व्यवशायीसँग रकम लेनदेनको बारेमा गरेको अडियो सार्वजनिक भएको छ । सो अडियो सार्वजनिक भएपछि मन्त्री चौधरीले पत्रकार सम्मेलन गर्दै आज पदबाट राजिनामा दिएका छन । मन्त्री चौधरीले नैतिकताको हिसाबले पदबाट राजिनामा दिएको बताएका छन ।

मन्त्री चौधरीले घटनाको सत्यतथ्य छानविन गरी दोषी भए कानूनी कारवाहीको भागेदार हुने समेत बताएका छन । ‘मेरो पनि राजनीतिक करिअर छ । नैतिकताको हिसाबले राजिनामा दिन्छु’ उनले भने–‘सत्यतथ्य छानविन होस सजाय भोग्न तयार छुँ ।’ उनले हालै भएको राजनीतिक नियुक्ती प्रति असन्तुष्ठ पक्षले आफ्नो चरित्र हत्या गर्न सुनियोजित षडयन्त्र गरेको आरोप लगाए ।

मन्त्री चौधरीले घटनामा सुदूरपश्चिम प्रदेशका मुख्यमन्त्री कमलबहादुर शाहको कुनै संलग्नता नरहेको बताए । उनले मुख्यमन्त्रीले भनेकै आधारमा आफू राजिनामा दिन तयार भएको बताए । उनले सो घटना भदौ महिना तिर भएको जानकारी दिए । उनले केही व्यक्तिले काठ व्यवशायीसँग कुराकानी गर्न लगाएको बताए । ‘म भरखर मन्त्री भएको थिए । मेरै साथीहरुले कुराकानी गर्न लगाए’ उनले भने–‘त्यतिबेला मलाई मन्त्रालयका बारेमा जानकारी थिएन ।मन्त्री चौधरीले अडियो रेकर्ड गर्ने आफ्नै पार्टीका कार्यकर्ता रहेको बताए ।