Hamro Bulletin

अछामको साँफेबगर नगरपालिका – ८ बयालपाटामा रहेको जनता बहुमुखी क्याम्पसमा तालाबन्दी गरिएको छ । 

स्वतन्त्र विद्यार्थी युनियन (स्ववियु) निर्वाचनको विषयलाई लिएर नेकपा एकिकृत समाजवादी निकट अनेरास्ववीयुले विभिन्न माग राख्दै मंगलबार क्याम्पस प्रशासनमा तालाबन्दी गरेका हुन् । 

सुदूरपश्चिम विश्वविद्यालय अन्तर्गतको यस क्याम्पसमा आगामी चैत २७ गते निर्वाचन तोकिएकोमा क्याम्पस प्रशासन तथा निर्वाचन समितिले प्रकाशन गरेको अन्तिम मतदाता नामावलीप्रति असहमती र आपत्ति जनाउँदै अनेरास्वीयुले तालाबन्दी गरेको हो । 

नेकपा एकिकृत समाजवादी निकट अनेरास्ववीयुका अध्यक्ष सुन्दर ठकुल्ला द्धारा हस्ताक्षरीत विज्ञप्तीमा क्याम्पस प्रशासन तथा निर्वाचन मण्डलले कुनै एकल संगठनलाई निर्वाचित गर्ने ढंगले अवैध रुपमा विद्यार्थि भर्ना गरेको उल्लेख गरीएको छ । साथै विज्ञप्तीमा जिल्ला भरीका क्याम्पसहरुमा अन्य संगठनले गरेको तालाबन्दीको समस्या समाधान नहुन्जेल सम्म नेकपा एकिकृत समाजवादी निकट अनेरास्ववीयुले निर्वाचनका कुनैपनि प्रक्रियामा सहभागि नहुने जानकारी गराएको छ ।