ताजा अपडेट
२७ वटा पसल जलेर नष्ट, सात करोड बढीको क्षति : अछामको जयगढ बजारमा आगलागी
अछामको बान्नीगढी जयगढ गाउँपालिकाको केन्द्र जयगढ बजारमा भीषण आगलागी भएको छ ।बजारका स्थानीय पुष्पराज शर्माले सञ्चालन गरेको आइएमई पसलमा साँझ ७:२० मिनेटमा ग्यास सिलिन्डर विस्फोट भएर सल्केको आगोले भीषण रुप लिएको हो ।
मंगलबार बेलुका ७ बजेतिर सल्किएको आगो पाँच घण्टापछि राति १२ बजे मात्रै नियन्त्रण भएको जिल्ला प्रहरी कार्यालय अछामका प्रहरी प्रमुख डीएसपी इश्वरीप्रसाद भण्डारीले जानकारी दिए ।
डीएसपी भण्डारीले बान्नीगढी जयगढ गाउँपालिका जेसिबि र मंगलसैन नगरपालिकाको दमकलको सहायताले नेपाल आर्मि, सशस्त्र प्रहरी, प्रहरी र स्थानीय बासिन्दाको सहयोगमा आगो नियन्त्रणमा लिइएको बताएका छन् । उनका अनुसार आगलागीबाट भएको क्षतिको प्रारम्भिक विवरण संकलन गरिएको छ । `जयगढ बजारमा रहेका २७ वटा पसल र अन्य घरमा आगलागीले क्षति पुगाएको छ,´ डीएसपी भण्डारीले भने, `धेरै घर र पसल जलेर नष्ट भएका छन् । प्रारम्भिक विवरणअनुसार सात करोड बढीको क्षति भएको छ ।´
डीएसपी भण्डारीका अनुसार लामोसमयसम्म आगलागी नियन्त्रण नभएपछि आक्राशित भएका युवाहरुले बान्नीगढी जयगढ गाउपाँलिकाका अध्यक्ष टेकहादुर साउदको घरमाथि ढुङ्गामुडा गरेका थिए ।
सम्बन्धित समाचार
ताजा अपडेट
-
“सफा खप्तड समरजीतको प्रतिवद्धता” भन्ने मूल नारा सहित व्यापक सरसफाई अभियान
-
खाप्पर दह मेला–२०८२ सम्पन्न, स्वास्थ्य सेवा र सरसफाइ अभियान पनि
-
साँफेबगर नगरपालिका र खाद्य व्यवस्था कम्पनीबीच सम्झौता, अब किसानको उत्पादन सिधै डिपोमार्फत बजारमा
-
उज्यालो बाँड्ने शिक्षक अझैं सम्पर्क बिहिन, परिवार अन्धकारमा
-
अछामी सम्पर्क समिति युएई : प्रेम बोगटीको नेतृत्वमा नयाँ कार्यसमिति चयन
प्रतिक्रिया