Hamro Bulletin

साँफेबगर नगरपालिकाले हाटबजारका अग्नी पिडितहरुलाई ६ लाख राहत उपलब्ध गराउने भएको छ । आज बसेको कार्यपालिकाको बैठकले आगलागी पिडितहरुलाई तत्काल ६ लाख राहत उपलब्ध गराउने निर्णय नगर प्रमुख राजेन्द्रबहादुर कुँवरले जानकारी दिएका छन् । नगर प्रमुख कुँवरले एकद्धार प्रणालीबाट राहत वितरण गरिने र मेल्लेख गाउँपालिकाबाट पनि ५० हजार सहयोग गर्ने जानकारी पाएको बताए । 

आज बसेको स्थानीय विपद् व्यवस्थापन समितिको बैठकले आगलागीको विस्तृत र बास्तविक तथाक संकलन गर्नका लागी ७ सदस्यीय उपसमिति गठन गरेको छ । साँफेबगर नगरपालिका ३ का वडा अध्यक्ष कुलबहादुर कुँवरको सयोजकत्वमा उपसमिति गठन गरिएको छ । नगर प्रमुख राजेन्द्रबहादुर कुँवरको अध्यक्षतामा बसेको बैठकमा जिल्ला समन्वय समिति प्रमुख ललित कुँवर, उपप्रमुख शिबबहादुर कुँवर, प्रमुख जिल्ला अधिकारी आनन्द सारु, जिल्ला प्रहरी प्रमुख ईश्वरी प्रसाद भण्डारी लगायतको सहभागीता रहेको थियो ।

त्यसैगरी सुदूरपश्चिम प्रदेश सरकारले साँफेहाटबजारका आगलागी पिडितहरुलाई तत्काल दश लाख आर्थिक सहयोगगर्ने निर्णय गरेको छ ।शनिबार मुख्यमन्त्री तथा मन्त्रिपरिषदको कार्यालयमा बसेको प्रदेश विपद् जोखिम न्युनीकरण तथा नियन्त्रण परिषद्कोबैठकले आगलागी पीडितका लागि तत्काल नगरपालिकालाई मानबिय सहायता स्वरुप दश लाख आर्थिक सहयोग गर्ने निर्णय गरेकोहो । साँफेबगर नगरपालिका ३ हाटबजारमा आगलागी हुँदा  ३ करोड  भन्दा बढीको क्षति भएको छ । १० पसल जलेका छन् ।  जिल्ला प्रहरी कार्यालको प्रारम्भिक तथाक अनुसार आगलागीबाट ३  करोड ८६ लाख ६५ हजारको क्षति भएको छ ।

शनिवार विहान भएको आगलागीबाट गंग कुँवरको कालभैरव एण्ड सन्स जनरल स्टोर, प्रेम खड्काको शुभेच्छा मम सेन्टर, भिमकुँवरको रोड साईड रेष्टुरेन्ट, दिपक सुनारको कालभैरव सुनचाँदि पसल,  ज्ञानेन्द्र कुँवरको डाग ग्यालरी, टीका कुँवरको टीका फेन्सीएण्ड व्युटी पार्लर, सुरेस कुँवरको शितल नास्ता पसल, किशोर भाटको मदिरा पसल, मक्र कुँवरको रिभर साईड नास्ता पसल, सुमनकुँवरको राज्यश्वरी कृषि तथा पशुपछि फर्म जलेका छन् ।  आगलागी हुना साथ नेपाल बैंक लिमिटेडमा जडान गरिएको साईरनबजेपछि अधिकाश व्यापारी र स्थानीयहरुले जानकारी पाएपछि आगो नियन्त्रणमा खटिएका थिए । बैकको साईरन बजेपछि धेरैलेथाहा पाएको स्थानीय व्यापारी भिम कुँवरले बताए । शुभेच्छा मम सेन्टरमा विद्युत सर्ट भई आगलागी भएको प्रहरीले जनाएको छ । आगलागी नियन्त्रणमा लागी गीता कठायतको पक्की घर भत्काईएको छ । गत चैत २६ गते मात्र बान्नीगढी जयगढ गाउँपालिकाको जयगढ बजार आगलागी  हुँदा ८ करोडको क्षति भएको थियो ।