Hamro Bulletin

नेपाल सरकारको संस्कृति तथा पर्यटन तथा नागरिक उड्डयन मन्त्रालयले साहित्य र राजनीतिक दर्शन गरी चार जना स्रष्टालाई वीपी कोइराला राष्ट्रिय पुरस्कार–२०८१ प्रदान गर्ने घोषणा गरेको छ ।

पुरस्कृत स्रष्टाहरूमा अछामका नयनसिंह कडायत र सुनसरिका मिना सुब्बालाई राजनीतिक दर्शनको विधामा संयुक्त पुरस्कृत गरिने मन्त्रालयद्वारा प्रकाशित विज्ञप्तीमा जनाइएको छ । दुई लाख रुपैयाँको पुरस्कार संयुक्त रूपमा प्रदान गरिँदा १/१ लाख रूपमा रहने सूचनामा उल्लेख छ ।

यसैगरी साहित्यिक विधामा पुरस्कृत स्रष्टाद्वयमा पाँचथरका तिलक विक्रम नेम्बाङ (बैरागि काईला) र मोरङका भुवन ढुंगाना रहेका छन् । उक्त पुरस्कार पनि संयुक्त रूपमा प्रदान गरिने छ ।
पुरस्कृत स्रष्टाहरू चारै जना सङ्घीय राजधानी बाहिरका हुन् । पुरस्कारका लागि सिफारिस भएकाहरू मध्येबाट संस्कृति तथा पर्यटन तथा नागरिक उड्डयन मन्त्री बद्री प्रसाद पाण्डेको मन्त्री स्तरीय निर्णयबाट पुरस्कृत स्रष्टाहरूको चयन भएको विज्ञप्तीमा उल्लेख छ ।