Hamro Bulletin

साँफेबगर नगरपालिकाले साँफे हाटबजारका आगलागी पीडितलाई राहत वितरण गरेको छ। बिहिबार साँफेबगर नगरपालिका वडा नं. ३ हाटबजारमा बैशाख १३ गते बिहान भएको आगलागिमा परेका पिडितहरुलाई राहत वितरण गरिएको हो ।

साँफेबगर नगरपालिका वडा विपद राहत वितरण उपसमितीका संयोजक एवम् साँफेबगर नगरपालिका वडा नं. ३ का अध्यक्ष कुल बहादुर कुँवरको अध्यक्षता मा भएको राहत वितरण कार्यक्रममा प्रमुख अतिथी साँफेबगर नगरपालिकाका कार्यबाहक नगरप्रमुख शिव बहादुर कुँवरले आगलागि पिडितलाई राहत हस्तान्तरण गरेका थिए ।  

शनिवार विहान भएको आगलागीबाट गंग कुँवरको कालभैरव सन्स एण्ड जनरल स्टोर, प्रेम खड्काको शुभेच्छा ममः सेन्टर, गिता कठायर कुँवरको पक्कि घर, भिमकुँवरको रोड साईड रेष्टुरेन्ट, दिपक सुनारको कालभैरव सुनचाँदि पसल,  ज्ञानेन्द्र कुँवरको बैजनाथ कम्प्यूटर, टीका कुँवरको टीका फेन्सीएण्ड व्युटी पार्लर, सुरेस कुँवरको शितल नास्ता पसल, किशोर भाटको मदिरा पसल, मक्र कुँवरको रिभर साईड नास्ता पसल, सुमनकुँवरको राज्यश्वरी कृषि तथा पशुपछि फर्म जलेर नष्ट भएका थिए ।

कार्यक्रममा साँफे हाटबजार व्यवस्थापन समितिका सचिव अशोक कुँवरले बजार व्यवस्थापन समितिले पनि बजारबाट राहत संकलन गरेको र केहि फर्महरु बाँकी रहेकोले केहि दिनमै उक्त्त राहत वितरण गरिने बताए ।

कार्यक्रममा प्रमुख अतिथि कुँवरले नगरपालिकाले पिडितको क्षतिको पुर्ण रुपमा पुर्ति गर्न नसकेपनि स्थानिय सरकारले वर्तमान परिस्थीतिलाई मध्यनजर गर्दै तत्कालका लागी राहत सहयोग गरिएको बताए ।

कार्यक्रमको समापन गर्दै कार्यक्रमका अध्यक्ष एवम साँफेबगर नगरपालिका वडा नं. ३ का अध्यक्ष कुल बहादुर कुँवरले तत्काल स्थानिय सरकारले घोषण गरेको ६ लाख रकम भएको क्षतिपुर्ति र संरचनाको मापदण्ड अनुसार रातह वितरण गरीएको बताए । कार्यक्रमको संचालन साँफेबगर नगरपालिकाका स्वास्थ्य शाखा प्रमुख लक्षमण नाथ योगिले गरेका थिए ।