ताजा अपडेट
नेपाल सरकार पोखरा औधोगिक क्षेत्रका पूर्व जिएम खेमराज कुँवरको निधन
साँफेबगर नगरपालिका ३ हाटबजारका प्रतिष्ठित व्यवसायी खेमराज कुँवरको निधन भएको छ । उनको हिजो भारतको दिल्लीमा उपचारको क्रममा निधन भएको हो । खुट्टाको क्यान्सरको अप्रेशनपछि ‘फ्लोअफमा’ फागुन महिनामा भारतको दिल्ली गएका कुँवरको उपचारको क्रममा निधन भएको हो ।
नेपाल सरकार पोखरा औधोगिक क्षेत्रका पूर्व जिएम, साँफेबजार ब्यवस्थापन समितीका संस्थापक अध्यक्ष, अछाम जिल्लाकै प्रमुख उद्योगी समेत रहेका कुँवर एक सफल,प्रतिष्ठित,व्यवसायी र समाजसेवीको रुपमा परिचित थिए । कुँवरको अन्तिम संस्कार भोलि बिहिबार बुढीगंगा नदीमा गरिने आफन्तले जानकारी दिएका छन । २०२७ सालमा जन्मिएका कुँवरको २०८२ बैशाख ३० गते ५५ बर्षको उमेरमा निधन भएको हो ।
प्रतिक्रिया