ताजा अपडेट
साँफेबगर नगरपालिका पूर्ण खोप पालिका घोषणा
साँफेबगर नगरपालिका आईतबार पूर्ण खोप पालिका घोषणा गरिएका छ । पूर्ण खोप सुनिश्चितता तथा दिगोपनाको लागी साँफेबगर नगरपालिकालाई पूर्ण खोप पालिका घोषणा गरिएको हो । स्वास्थ्य कार्यालयको नियमित कार्यक्रम अन्तर्गत जन्मे देखि ५ वर्षमुनिका सबै बालबालिकाहरुले खोप पाएको सुनिश्चितता भएपछि पालिकालाई पूर्ण खोप पालिका घोषणा गरिएको हो । प्रत्येक वर्ष पालिकालाई पूर्ण खोप पालिका गरिदै आएको छ ।
साँफेबगर नगरपालिकाका वर्ष मुनिका एक हजार २४१ बालबालिकाहरुले पूर्ण खोप पाएका छन् । नगरपालिकाका पोषण भत्ता खाने बालबालिकाको संख्या भने २ हजार ८४ रहेको छ । स्वास्थ्य शाखा प्रमुख लक्षमण नाथ योगीले प्रस्तुत गरेको तंथाकका अनुसार ८४३ जना बालबालिकाहरु भने जिल्ला बाहिर रहेका छन् । पालिका खोप समन्वय समितिका संयोजक तथा साँफेबगर नगरपालिकाका प्रमुख राजेन्द्रबहादुर कुँवरको अध्यक्षतामा भएको कार्यक्रममा जिल्ला समन्वय समितिका सदस्य नरेन्द्र कुँवर,स्वास्थ्य कार्यालयका प्रमुख झपटराज ढुंगाना,वडाअध्यक्ष ललित बोगटीले शुभकामना मन्तव्य राखेका थिए । कार्यक्रमको संचालन स्वास्थ्य शाखाका नरेश रावतले गरेका थिए ।
प्रतिक्रिया