ताजा अपडेट
पछिल्लो २४ घन्टामा १२ सय २१ जना कोरोना संक्रमित
काठमाडौँ — मुलुकभर थप १२ सय २१ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयले आइतबार आयोजना गरेको नियमित कोभिड १९ प्रेस ब्रिफिङमापछिल्लो २४ घन्टामा १ हजार २ सय २१ संक्रमित फेला परेको जनाएको हो ।
प्रवक्ता डा.जागेश्वर गौतमले उत्यकामा ४ सय २९ जनामा संक्रमण भएको जानकारी दिए । संक्रमितको संख्या ३८ हजार ५ सय ६१ पुगेको छ ।
२४ घन्टामा १२ हजार ७ सय १७ पीसीआर परीक्षण गरिएको उनले बताए । उनका अनुसार आइतबारसम्म भने ६ लाख ८२ हजार ३ सय ४३ परीक्षण भएको छ ।
२४ घन्टामा २६७ जना निको भएर घर फर्किएका छन् । निको हुनेको कुल संख्या भने २० हजार ८ सय २२ छन् । २४ घन्टाको अवधिमा १४ जनाको कोरोना संक्रमणबाट मृत्यु भएको प्रवक्ता गौतमले जनाए ।
१७ हजार ५ सय १८ उपचाररत छन् भने ७ हजार ७ सय ९७ क्वारेन्टाइनमा रहेको प्रवक्ता गौतमले बताए । कान्तिपुरबाट
प्रतिक्रिया