Hamro Bulletin

भदौ १४,अछाम
 युवा सजगता अभियान अछामको  संयोजकमा पत्रकार सुशील भण्डारी  चयन भएका छन् ।
नेपाल प्रेस युनियन अछामका सचीव एवम् सडक मिडिया राष्ट्रिय दैनिकका प्रकाशकसमेत रहेका भण्डारीलाई अभियानको संयोजकमा चयन गरिएको हो ।
अभियानले विभिन्न जिल्लाहरुमा आफ्नो संगठन विस्तार गर्ने क्रममा अछाम  जिल्ला संयोजकको जिम्मेवारी भण्डारीलाई प्रदान गरेको हो ।
जिल्ला संयोजकको नेतृत्व पाएका भण्डारीले  छिट्टै जिल्लामा संगठन विस्तार गर्ने बताएका छन् । उनले कोरोना महामारी सहज भएपछि युवाहरूलाई सामाजिक कार्यमा अग्रसर गरि रचनात्मक क्रियाकलापहरु गर्ने,युवाका लागि वैचारिक विकास, क्षमता तथा नेतृत्व अभिवृृद्धिका लागि विभिन्न कार्यक्रमहरु चलाउने बताएका छन् ।
युवा सजगता अभियानले  देशभर अभियान विस्तार गर्दै युवाहरुलाई नेतृत्व तथा व्यक्तिव विकाससँगै विभिन्न सिपमुलक तालिम सिकाउने, प्रशिक्षित गर्ने,सामाजिक कार्य गर्दै आएको छ । अभियानको केन्द्रीय अध्यक्ष चिन्तन पौडेल रहेका छन् ।                                      

केही दिन पहिले मात्रै सुदूरपश्चिम प्रदेश संयोजकमा भुवन भट्ट लाई चयन गरेको अभियानले आज सुदूरपश्चिम प्रदेशका जिल्लाहरुको संयोजकको टुंगो लगाएको हो । जसमा कंचनपुर जिल्लाको  जिल्लाको संयोजक शंकर उपाध्याय,डोटीमा बम बहादुर कठायत,कैलाली रघुराज उपाध्याय,डडेल्धुरा सोहन गौराल,बैतडी मोहनसिंह बिष्ट ,बझाङ भरत भण्डारी,बाजुरा  हिरेन्द्र बहादुर रोकाया र अछाम जिल्लाको संयोजकमा सुशील भण्डारी चयन भएका हुन् ।