Hamro Bulletin

अछाम जिल्ला, साँफेबगर नगरपालिका स्थायी घर भई हाल काठमाडौंको अनामनगरमा बसोबास गर्दै आउनु भएका ५५ वर्षीय शिक्षक जगत बहादुर कुँवर आज बिहानदेखि सम्पर्क बिहिन भएका छन्। परिवारका अनुसार कुँवर आज बिहान ५ बजे मर्निङ वाक (बिहानको हिँडडुल) का लागि घरबाट निस्किनु भएको थियो तर सो समयपछि हालसम्म उहाँ घर फर्किनु भएको छैन र कुनै पनि माध्यमबाट सम्पर्क हुन सकेको छैन।

परिवारका सदस्यले जानकारी दिएअनुसार उहाँको मोबाइल फोन र पर्स घरमै छुटेको अवस्थामा फेला परेको छ, जसले गर्दा कुँवरसँग सीधा सम्पर्क गर्न असम्भव भएको छ। सामान्यतया उहाँ हरेक बिहान स्वास्थ्य लाभको लागि हिँडडुल गर्नुहुन्थ्यो, तर आजको दिन अत्यधिक ढिलो भइसके पनि कुनै जानकारी नआएपछि परिवारका सदस्य अत्यन्तै चिन्तित बनेका छन ।

कसैलाई देखिएको वा जानकारी भएको खण्डमा तुरुन्त सम्पर्क गरिदिन आफन्तले सामाजिक संजाल मा अनुरोध गरेका छन ।

• छोरा: अनिल कुँवर – ☎️ ९८४३३६९१५८

• छोरा: युवराज कुँवर – ☎️ ९८५८०५५३३०

काठमाडौँ उपत्यकाभित्रका पार्क, सडक, मन्दिर, बसपार्क वा खुला स्थानहरूमा हिँडडुल गर्नेलाई यदि कुँवरलाई देख्नुभएको वा भेट्नुभएको छ भने तत्काल जानकारी गराइदिन परिवारजनको हार्दिक अनुरोध छ।