Hamro Bulletin

धनगढी– सुदूरपश्चिम प्रदेशमा कोरोना भाईरसका संक्रिय संक्रमितको संख्या सात सय ८९ पुगेको छ। प्रदेश स्वास्थ्य निर्देशनालय दीपायलले सोमवार सार्वजनिक गरेको तथ्याङक अनुसार प्रदेशमा संक्रिय कोरोना संक्रमितको संख्या सात सय ८९ रहेको हो।

निर्देशनालयका अनुसार सबैभन्दा बढि कैलालीमा तीन सय ७१ जना संक्रिय संक्रमित अर्थात एक्टिभ केस रहेका छन्। डोटीमा एक सय सात, अछाममा ९०, बझाङमा ८८ र कञ्चनपुरमा ५४ जना संक्रिय संक्रमित रहेको निर्देशनालयले जनाएको छ।

यस्तै बैतडीमा ४७, डडेल्धुरामा १७, बाजुरामा ८ र दार्चुलामा सात जना संक्रिय संक्रमित रहेको निर्देशनालयले जनाएको छ। संक्रिय संक्रमित मध्ये ९२ जनाको विभिन्न अस्पतालको आईसोलेसनमा उपचार भईरहेको निर्देशनालयले जनाएको छ।

सेती प्रादेशिक अस्पतालमा २९, टीकापुर अस्पतालमा २८, महाकाली अस्पतालमा २१, जिल्ला अस्पताल अछाममा १०, जिल्ला अस्पताल डोटी र डडेल्धुरा अस्पतालमा दुई÷दुई जना संक्रिय संक्रमितको उपचार भईरहेको निर्देशनालयले जनाएको छ।

कैलालीका ९५, अछामका १५, डडेल्धुराका ११ र डोटीका नौँ गरी एक सय ३३ जना संक्रमित भने आफ्नै घरमा रहेका छन्। अन्य संक्रमितलाई स्थानीय तहले बनाएको आईसोलेसनमा राखिएको छ। 

प्रदेश स्वास्थ्य निर्देशनालय डोटीका अनुसार नौ वटै जिल्लाका चार हजार नौ सय ७९ जनाले कोरोना जितेका छन्। अहिलेसम्म सबैभन्दा धेरै संक्रमित रहेको कैलालीका एक हजार तीन सय ३८ जना निको भएर घर फर्किएका छन्।

यस्तै डोटीका आँठ सय १६, अछामका पनि आँठ सय १३, कञ्चनपुरका ६ सय २८ जना संक्रमित निको भएर घर फर्किएको दावी स्वास्थ्य निर्देशनालयले गरेको छ।

बाजुराका चार सय ४२ जना, बैतडीका तीन सय २२, डडेल्धुराका दुई सय ९९, बझाङका दुई सय ८० जना र दार्चुलाका ४१ जना संक्रमित पनि डिस्चार्ज भएका छन्। दिनेश खबर