ताजा अपडेट
हत्याको आशंकामा किटानी जाहेरी
कैलाश खोलामा १९ गते मृत अवस्थामा भेटिएकी महिलाको हत्याको आशंकामा माईतीले किटानी जाहेरी दिएका छन् । मंगलसेन नगरपालिका वडा नम्बर ९ ओलीगाउँ निबासि रेश्मा कुवर रावल कैलाश खोलामा मृत अवस्थामा भेटिएकी थिईन् । माईती पक्षले मृतकका श्रीमान् निरज रावलको नाममा किटानी जाहेरी दिएका छन् । रेश्माको टाउँकोमा चोट लागेको र दुबै कानबाट रगत बगेको देखिएकाले आत्महत्या नभएर हत्या नै गरेकोले किटानी जोहरी दिएको मृतकका बुवा छत्र कुँवरले बताउनु भयो । प्रहरीले तिनदिन पछि मात्र किटानी जोहरी लिन मानेको कुँवरले बताउनु भयो ।
श्रीमान्ले मदिरा खाएर कुटपिट गरेको भन्दै पटक पटक भागेर रेश्मा माईत आउने गरेको आमा अमरकला कुवरले बताउनु भयो । १८ गते साझ खाना ढिलो पकाएको भन्दै श्रीमान् श्रीमती बिच बिवाद भएको प्रहरीको प्रारम्भीक अनुसन्धानबाट खुलेको छ । माईती पक्षको किटानी जाहेरीपछि अब घटनाको अनुसन्धान अगाडी बढाउने डिएसपी योगेन्द्र सिह थापाले जानकारी दिनु भयो । निरजले चार महिना पहिले रेश्मासंग बिहे गरेका थिए ।
प्रतिक्रिया