Hamro Bulletin

असोज ४, अछाम

रामारोशन गाँउपालिकामा आगलागी बाट घाइते भएका दम्पतिलाई नेपाली काङ्ग्रेस रामारोशनले आर्थिक सहयोग गरेको छ । वडा नमूना ३ कालापानीमा गत साउन २८ गते घरमा आगलागी हुँदा रतन बुढामगर र उँहाकी श्रीमती पार्वती बुढा मगर गम्भीर घाइते हुनुभएको थियो । घाइते भएका मगर दम्पतीको उपचार स्वरुप नेपाली काङ्ग्रेस रामारोसन गाउँपालिकाले ११ हजार १ रुपैयाँ आर्थिक सहयोग गरेको छ ।

उक्त रकम घाइते रतनका दाजु लोक बहादुर बुढामगरलाई आइतबार हस्तान्तरण गरीएको हो । रकम हस्तान्तरण कार्यक्रममा नेपाली काङ्ग्रेसका सदस्य मानबहादुर साँउद , नेबिसंघ पुर्व केन्द्रिय सदस्य चन्द्र बिक , काङ्ग्रेस रामारोसन सचिव पुर्ण विक , नेपाल बिद्यार्थी संघ जिल्ला सदस्य पुष्प बिष्ट , महेश बटाला, काङ्ग्रेस नेता केसर शाह , विनोदशाह लायतको उपस्थित रहेको थियो । घाईते बुढामगरको उपचारका लागि समस्या भएकाले नेपाली काङ्ग्रेस रामारोसन गाउँपालिकाले सहयोग गरीदीन सम्पुर्णमा अनुरोध समेत गरेको छ ।