Hamro Bulletin

जिल्ला ट्राफिक प्रहरी कार्यालय अछामको आयोजनामा आज साँफेबगरमा राजमार्ग व्यवस्थापन तथा सवारी दुर्घटना न्युनिकरण समिति गठन गरिएको छ ।

आज भएको सर्बपक्षिय बैठक मार्फत उक्त समिति गठन गरिएको हो । साफेबगर नगरपािलका वडा नम्बर ३ का वडाध्यक्ष कृष्ण बढाको अध्यष्तामा ९ सदस्यीय समिति गठन गरिएको छ । जस्मा सदस्य सचिब जिल्ला ट्राफिक प्रहरी प्रमुख बिक्रम बहादुर चन्द,दिलिप कुमार बिसि,पत्रकार महासंघका खम्म खत्री,व्यापारीको तर्फबाट सुरेश प्रसाद पन्त,स्थानीयको तर्फबाट राजन कुवर,भक्तबहादुर कुवर,दिनेश स्वार रहनु भएको छ ।

टाफिक प्रहरी कार्यालयले दुई महिनाको अवधिमा २ लाख भन्दा बढी राजश्व संकलन गरेको छ । यस आर्थिक बर्षको साउन र भदौमा ४ सय ५५ सवारी साधन कार्वाहिमा २ लाख ७९ हजार ५ सय रुपैया राजश्व संकलन गरेको ट्राफिक प्रहरी देबेन्द्र खड्काले जानकारी दिनु भयो । गत आर्थिक बर्षमा २२ लाख ५५ हजार राजश्व संकलन भएको छ ।

बैठकमा सहभागि वडाध्यक्ष कृष्ण बुढाले टाफिक नियम पालन गरी दुर्घटनाबाट जोगिन र जोगाउन सबैलाई आग्रह गर्नु भएको छ । उहाले बिषेश गरी युवाहरुलाई टाफिक नियमको पालन गरी गतिसिमित राखि सवारी साधन चलाउन अनुरोध गर्नु भएको छ ।

बैठकमा पन्त जनरल स्टोरका व्यापारी सुरेश पन्तले घर निमार्णका सामाग्री सडक छेउमा राख्ने,सडक नजिकै पशुचौपायालाई बाध्ने र सडकमा अन्नबाली सुकाउने कारणले पनी दुर्घटनाको जोखिम बढेको बताउनु भयो । बैठकमा नेपाली काँग्रेसका राजन कुवर,नेकपाका सुरत भुलले टाफिक नियम सबैले पालन गर्नुपर्ने र नियम सबैलाई लागु हुनुपर्नेमा जोड दिनु भएको छ । अछाम सार्बजिक यातायातका भक्त कुवर,रुप बहादुर बुढा,पत्रकार लगायतका सहागिता रहेको थियो ।