ताजा अपडेट
सुप प्रदेश सरकारले सवारी साधनको कर घटायो, विवरण सहित
धनगढी : सुदुरपश्चिम प्रदेश सरकारले सवारी साधानको तिर्नु पर्ने बार्षिक कर कटौती गरेको छ । मोटरसाइकल र कारमा बार्षिक रुपमा लाग्ने कर कटौती गरेको हो । प्रदेशको आर्थिक मामिला तथा योजना मन्त्रालयले आर्थिक बर्ष २०७७–०७८ मा सवारी साधनमा लाग्ने कर कटौती गरेको जनाएको छ ।
प्रदेश सरकारले १२५ सीसी भन्दा कमको मोटरसाइकलमा यसअघि २५०० लाग्ने गरेकोमा यस बर्षपनि यथावत नै रहेको छ । १२५ देखी १५० सीसी सम्मको सवारीमा यसअघि ४ हजार लाग्ने गरेकोमा यस बर्ष भने ५ सयले बढेर ४ हजार ५ सय पुगको छ ।
यस भन्दा बढी सीसी भएका सवारीहरुमा भने क्रमशः घटेको छ । १५० देखी २५० सीसी सम्मकोमा ८ हजार लाग्ने गरेकोमा यस बर्ष ४ हजार ५०० कायम गरिएको छ भने २५१ देखी ४०० सीसी सम्मको सवारी कर १६ हजार लाग्ने गरेकोमा यस बर्ष भने ८ हजार निर्धारण गरिएको छ । त्यसैगरी ४०० सीसी भन्दा बढीको मोटरसाइकलमा भने यस अघि लाग्ने गरेको ३० हजारबाट घटेर ९ हजारमा पुगेको छ ।
तर कारको हकमा भने १००० सीसी सम्मका सवारीमा गत आर्थिक बर्षमा २१ हजार लाग्ने गरेको भएपनि अब भने १९ हजार लाग्ने जनाईएको छ । १००० देखी १५०० सीसी सम्मका सवारी साधनका लागि यस बर्ष २१ हजार कायम गरिएको छ भने १५०० देखी २००० सीसी सम्मका लागि २३ हजार लाग्ने भएको छ ।
प्रतिक्रिया