ताजा अपडेट
पर्वत अस्पतालकाे सेवा ठप्प : पाेस्टमार्टम गर्नुपर्ने शव बोकेर बाग्लुङ र म्याग्दी धाउँदै प्रहरी
पर्वत – पर्वत अस्पतालमा कार्यरत पाँच जना स्वास्थ्यकर्मीमा कोरोना सङ्क्रमण पुष्टि भएपछि अस्पतालकाे सेवा ठप्प भएकाे छ । अस्पतालकाे सेवा ठप्प भएपछि पर्वत प्रहरी पोस्टमार्टम गर्नुपर्ने शव बोकेर हिँड्न बाध्य भएकाे छ ।
जिल्ला अस्पताल पर्वतमा कोरोना सङ्क्रमण देखिएसँगै अस्पताल व्यवस्थापन पक्षले अस्पताल क्षेत्र सिल गर्दा शव पाेस्टमार्टम गर्न समस्या भएको हो ।
पर्वत प्रहरीले शुक्रबार छुट्टाछुट्टै ठाँउमा आत्महत्या घटनाका दुई शवकाे छिमेकी जिल्ला बागलुङ र म्याग्दीको बेनी अस्पतालमा लगेर पोस्टमार्टम गरेकाे हाे ।
जिल्ला अस्पतालमा इमर्जेन्सीबाहेकका सेवा ठप्प भएपछि प्रहरीले पाेस्टमार्टमकाे लागि कुश्मा नगरपालिका १ पाङकी सुस्मिता पौडेलको शव म्याग्दीकाे बेनी अस्पताल र कुश्मा नगरपालिका १३ खौला लाँकुरीकी आशा कुँवरको शव बाग्लुङ लगेको हो ।
अस्पताल बन्द भएपछि प्रहरीलाई अन्य घटनामा संलग्नको र हिरासतमा राख्नुपर्नेहरुको स्वास्थ्य परीक्षणमा समस्या भएको छ ।
शुक्रबार पर्वत जिल्ला अस्पतालमा कार्यरत दुई जना डाक्टरसहित दुई नर्स र एक जना कार्यालय सहयोगीमा कोरोना भाइरस सङ्क्रमण पोजेटिभ देखिएको थियो ।
सम्बन्धित समाचार
ताजा अपडेट
-
अछामको साँफेबगर सहित सुदूरपश्चिममा छ इलाका प्रशासन कार्यालय थपिँदै
-
“सफा खप्तड समरजीतको प्रतिवद्धता” भन्ने मूल नारा सहित व्यापक सरसफाई अभियान
-
खाप्पर दह मेला–२०८२ सम्पन्न, स्वास्थ्य सेवा र सरसफाइ अभियान पनि
-
साँफेबगर नगरपालिका र खाद्य व्यवस्था कम्पनीबीच सम्झौता, अब किसानको उत्पादन सिधै डिपोमार्फत बजारमा
-
उज्यालो बाँड्ने शिक्षक अझैं सम्पर्क बिहिन, परिवार अन्धकारमा
प्रतिक्रिया