ताजा अपडेट
चौरपाटी गाउँपालिकाले चामल संग कोदो साट्न र भट्ट खरिदका लागि कर्मचारी परिचालन गर्ने
चौरपाटी गाउँपालिका कार्यपालिकाको बैठक विभिन्न निर्णय गर्दै सम्पन्न भएको छ । गाउँपालिकाका अध्यक्ष हर्क बहादुर साउदको अध्यक्षतामा भएको बैठकमा मंसिर १ गते देखि १५ गते सम्म चामल संग फलेको कोदो साट्ने कार्यक्रम र भट्ट खरिदका लागि कर्मचारी जनप्रतिनिधि परिचालन गर्ने निर्णय गरेको छ ।
किसानले उत्पादन गरेको भटमास कोदो गाउँपालिकाले तोकेको केन्द्र र सम्बन्धित वडामा किसानले मंसिर १५ गते भित्र बिक्रि गर्न सक्ने भएका छन । किसानलाई कृषि उत्पदनमा प्रोत्साहन गर्ने उदेश्यले गाउँपालिकाले भट्मास खरिद गरि ब्यापारीलाइ बिक्री गरिने प्रमुख प्रशासकीय अधिकृत धन बहादुर थापाले जानकारी दिए ।
सुदुरपश्चिम प्रदेशमा चौरपाटी गाउँपालिकाले किसानलाइ प्रत्यक्ष राहत पुगाउनका लागि कोदो भटमासको समर्थन मूल्य तोकि अगाडि बडाउने पहिलो गाउँपालिका भएको उपाध्यक्ष माया कुवरले बताईन ।
गाउँपालिकाको वडा नम्बर ४ पायलमा रहेको बुढिगंगा नदि र वडा नम्बर २ सोकटमा रहेको सेती नदि बाट गिट्टी बालुवा र ढुगा निकासी अर्को सूचना नहुदा सम्म रोक्ने निर्णय समेत गरिएको बताईएको छ ।
प्रतिक्रिया