ताजा अपडेट
कञ्चनपुरमा करिब २ लाख बराबरको अवैध सामान बरामद
कञ्चनपुर प्रहरीले करिब २ लाख बराबरको भन्सार छलेर ल्याएको सामान बरामद गरेको छ ।
आइतबार साझ जिल्लाको भिमदत्त नगरपालिका–१२ ऐरीस्थित भन्सार छलेर ल्याइएको ५ हजार ७ सय ६० बराबरको ५ पेटी सलाई, ४ हजार ८ सय बराबरको ५० प्याकेट मिठा सुपरीगरी १० हजार ५ सय ६० बराबरको सामान बरामद गएिको प्रहरीले जनाएको छ ।
यसैगरी आइतबार राति बेलौरी नगरपालिका–८ पचुंईबाट १ लाख ५ बराबरको ७९ कट्ठा डिएपी मल, ३३ हजार बराबरको ४२ कट्ठा युरीया मल र ११ हजार बराबरको ११ कट्ठा सुपर मल गरी १ लाख ४४ हजार ६ सय ५ बराबरको मल बरामद गरिएको छ ।
यस्तै बेलडाडी गाँउपालिका–२ खल्लामा खुर्सानी, तुलसी, तेल, त्रिशुल सुर्ति, पापड, बिडी गरी २४ हजार १० बराबरको सामान समेत बरामद गरिएको जिल्ला प्रहरी कार्यालय कञ्चनपुरका प्रवक्ता तथा प्रहरी नायव उपरीक्षक अमरबहादुर थापा क्षेत्रीले जानकारी दिए ।
३ वटै स्थानबाट १ लाख ७९ हजार १ सय ७५ बराबरको अवैध सरसामान बरामद गरी सम्बधित भन्सार कार्यालयमा पठाइएको उनले बताए ।
प्रतिक्रिया