ताजा अपडेट
अछाम जिल्लाको साँफेबगरमा करदाता सेवा कार्यालयबाट सेवा प्रवाह सुरू
अछाम जिल्लामा करदाता सेवा कार्यालयले सेवा दिन सुरु गरिएको छ। जिल्लाको प्रमुख व्यपारिक केन्द्र साँफेबगरमा कायर्लालय स्थापना गरि सेवा सुरु गरिएको हो। सोमबार देखि कार्यालयबाट सेवाहरु सुचारु गरिएको कार्यालयका प्रमुख राजेन्द्र बस्नेतले बताए ।
कार्यालय प्रमुख बस्नेतका अनुसार यस अघि आन्तरिक राजस्व कार्यालय धनगढीबाट सेवा लिँदै आएका अछाम र बाजुराका सम्पूर्ण करदातालाई करदाता सेवा कार्यालय साफेबगर बाट सेवा लिन अनुरोध गरिएको छ। अछाम र बाजुराबाट करदाताले कर तिर्नैका लागि धनगढी जानु पर्ने बाध्यताको समेत अत्य भएको छ।
कर सम्बन्धी सेवा प्रवाह, बजार अनुगमन, व्यवसायलाई करमा दर्ता गर्ने काम करदाता सेवा कार्यालयबाट हुने छन्। कर संकलन, खाता प्रमाणीत, भ्याटमा दर्ता, कारोवार परिर्वतन, अन्तशुल्क संकलन, व्यवसाय खारेज, कर शिक्षा जस्ता सेवा प्रवाह कार्यालय मार्फत सुरु भएको करदाता सेवा कार्यालय प्रमुख बस्नेतले बताए ।
प्रतिक्रिया